Դեկտեմբերի 19-ին «Էմիլի Արեգակ» կենտրոնում՝ գլխավորությամբ «Հայկական Կարիտաս» ԲՀԿ-ի նախագահ Հայր Ռաֆաէլ Արքպ. Մինասյանի կայացավ կազմակերպության տարեվերջյան ամփոփիչ հանդիպումը: 2018 թվականի գործունեության ամփոփումը մեկնարկեց Սրբազանի օրհնությամբ ու Տերունական աղոթքով: «Կարիտասը մի պարզ աշխատավայր չէ, որ կարելի է մտնել ու լավ ամսականով մի պաշտոն զբաղեցնել։ Կարիտասը մարդասիրական, բարեսիրական մի առաքելություն է, որի մտահոգությունը հասարակական կյանքը բարելավելը, մարդուն օգնելը, հիվանդներին բուժելը, հաշմանդամություն ունեցողին տեր դառնալն է․․․ Այս ոլորտներում Կարիտասի պաշտոնյաները գերազանցորեն մարդասերներ պետք է լինեն։ Զարգացնել փոխհարաբերությունները պաշտոնյաների Հետևաբար, 2019-ը բարի, սակայն խիստ տարի պիտի լինի, քանի արժեքավորումը անհատի պիտի չլինի լոկ նրանով, որ գործ է անում, այլ թե ինչ հոգիով է անում և ըստ այդմ պետք է վարձատրվի կամ շարունակի աշխատել։ Այս նպատակով մի նոր պաշտոնյա եմ ավելացնում Կարիտասի մեջ,

  «Հայկական Կարիտաս» բարեսիրական հասարակական կազմակերպությունն իրականացնում է «Ներառական, համապատասխան և որակյալ կրթություն բոլորի համար» ծրագիրը: Դեկտեմբերի 14-ին Գյումրու «Կոմերցիոն կենտրոն»-ի նիստերի դահլիճում պատասխանատուները ծրագիրը ներկայացրին շահառու դպրոցների և մանկապարտեզների տնօրեններին: Մինչ ծրագրի մեկնարկը «Հայկական Կարիտաս» -ի գործադիր տնօրեն Գագիկ Տարասյանը շնորհավորելով բոլորին ծրագրի մեկնարկի առթիվ հույս հայտնեց, որ այն երկար ու արդյունավետ ընթացք կունենա: Ողջունելով ծրագիրը Շիրակի փոխմարզպետ Սոֆյա Հովսեփյանը փաստեց՝ նմանատիպ ծրագրերը կնպաստեն ներառականության տարածմանը: «2019 թվականից Շիրակի մարզում ներառականությունը կդառնա համընդհանուր և կամա թե ակամա բոլոր դպրոցները լինելու են ներառականություն իրականացնող: Սա խիստ անհրաժեշտ փոփոխություն է մեր կրթական համակարգում: Ներառականությունը, բացի կրթությունից, սահմանափակումների վերացումն է շատերի համար:

2018-ի հոկտեմբերի 17-ին Երևանի Սբ. Գրիգոր Նարեկացի հայ կաթողիկէ ժողովրդապետության կենտրոնում տեղի ունեցավ Հայկական Կարիտաս բարեսիրական հասարակական կազմակերպության գործընկերային հանդիպումը: Հանդիպմանը ներկա էին ինչպես տեղական, այնպես էլ միջազգային գործընկեր կազմակերպությունների ներկայացուցիչները: Հանդիպմանը մասնակցում էին Հայկական Կարիտասի ընդհանուր նախագահ Արհ. Տ. Ռաֆայել արքեպս. Մինասյանը, գործադիր տնօրեն Գագիկ Տարասյանը և ծրագրերի ղեկավարները, Կարիտաս Եվրոպայի գլխավոր քարտուղարը, Իսպանիայի, Գերմանիայի, Ֆրանսիայի, ԱՄՆ, Լիբանանի Կարիտասի, ավստրիական Կարմիր Խաչի, Եվրոպական զարգացման բանկի, World Vision կազմակերպության, Հայաստանի Աշխատանքի և սոցիալական հարցերի, սփյուռքի, տարածքային զարգացման նախարարությունների, Շիրակի մարզպետարանի և այլ կազմակերպությունների աշխատակիցներ, որոնք համագործակցել կամ առաջիկայում համագործակցելու են Հայկական Կարիտասի հետ: Հանդիպմանը ներկա էին նաև ՀՀ սփյուռքի փոխնախարար Դավիթ Սարգսյանը և ՀՀ աշխատանքի և սոցիալական հարցերի փոխնախարար Արսեն Մանուկյանը:

Գյումրիում բացվել է տարածաշրջանում եզակի «Արեգակ» ներառական փուռ-և սրճարանը: Գյումրու հենց կենտրոնում՝ Աբովյան 242 հասցեում այսուհետ կգործի ներառական սրճարանն ու փուռը, որտեղ կաշխատեն բացառապես հաշմանդամություն ունեցող երիտասարդները և հաշմանդամություն ունեցող երեխաների ծնողները: Սրճարանի և փռի բացումը տեղի ունեցավ սեպտեմբերի 14-ին, ներկա էին Հայաստանում Եվրոպական միության պատվիրակության ղեկավար, դեսպան Պյոտր Սվիտալսկին, ՀՀ-ում Գերմանիայի դեսպան Մաթիաս Քիսլերը, ՀՀ աշխատանքի և սոցիալական հարցերի փոխնախարար Զարուհի Բաթոյանը, մարզային ու քաղաքային իշխանության ներկայացուցիչներ՝ գլխավորությամբ Շիրակի փոխմարզպետ Սոֆիա Հովսեփյանի, Գյումրու քաղաքապետ Սամվել Բալասանյանի: ԵՄ դեսպան Պյոտր Սվիտալսկին կարևորեց ծրագրի նախաձեռնումն ու կիրառումը՝ ընդգծելով, որ նմանատիպ ծրագրերը նպաստում են ներառական հասարակության կայացմանը: Դեսպանն այնուհետ անդրադարձավ եվրամիության կողմից Գյումրիում իրականացվող ծրագրերին:

«Քաղաքացիական ակտիվություն խոշորացված համայնքում» ծրագրի շրջանակներում օգոստոսի 15-ին Գյումրիում կայացավ «Սարապատ խոշորացված համայնք. զարգացման հնարավորություններ և մարտահրավերներ» խորագիրը կրող ֆորումը: Ծրագիրն իրականացվում է ԵՄ կողմից ֆինանսավորվող «Աջակցություն ՀՀ քաղաքացիական հասարակության կազմակերպությունների կարողությունների հզորացմանը» ծրագրի (“STRONG CSOs” ծրագիր) փոքր դրամաշնորհային նախագծի շրջանակներում «Հայկական կարիտաս» ԲՀԿ, «Կանայք հանուն զարգացման» ՀԿ և «Բիոսոֆիա» ՀԿ կոնսորցիումի կողմից իրագործվում է «Քաղաքացիական ակտիվություն խոշորացված համայնքում» ծրագիրը, որը համաֆինանսավորվում է Կարիտաս Ֆրանսիայի կողմից: Միջոցառմանը, բացի մարզային իշխանությունների ու գործընկեր կազմակերպությունների ներկայացուցիչներից, ներկա էին խոշորացված համայնքների բնակիչները: Ֆորումին Սարապատի օրինակով ներկայացվեցին խոշորացված համայնքների խնդիրներն ու արդեն խոշորացումից հետո իրականացված աշխատանքները: 2011 թվականից հանրապետությունում իրականացվում է համայնքների խոշորացման ծրագիրը՝ որպես համայնքների միավորման միջոցով տնտեսապես ուժեղ և ֆինանսապես կայուն համայնքների ձևավորմանն ուղղված գործընթաց: