«Հայկական Կարիտաս» ԲՀԿ-ի «ԱՐԱՄԱԶԴ. Համայնքի համար, համայնքի հետ» ծրագրի շրջանակներում Վանաձորի «Առաջընթաց» ՍՀԿ-ն իրականացնում է «Համայնքների սոցիալ-տնտեսական զարգացում՝ թռչնապահության զարգացման միջոցով» ծրագիրը: Նպատակն է նպաստել Լոռու մարզի Ստեփանավանի տարածաշրջանի Լոռի բերդ խոշորացված համայնքի Լեջան և Ագարակ բնակավայրերի սոցիալ-տնտեսական զարգացմանը` թռչնապահության ներդրման և կայուն եկամտի հնարավորության ստեղծման միջոցով: Ծրագրի շահառուները վերոնշյալ բնակավայրերի սոցիալապես անապահով 40-ական ընտանիքներ են (ընդհանուր թվով` 80 ընտանիք): Նրանք մասնակցել են «1-2 օրական հավի ճուտիկների աճեցում, խնամք, հավերի պահպանում» թեմայով դասընթացների, որպեսզի կարողանան խնամել 1-2 օրական ճուտիկներին: Ծրագրի շրջանակներում ձեռք է բերվել 2000 հավկիթ տարողությամբ ինկուբատոր և կատարվել հավկիթների ինկուբացիա: Լեջան բնակավայրի շահառու 40 ընտանիքներն արդեն իսկ ստացել են 1 օրական հավի ճուտիկներ,

«Հայկական Կարիտաս» բարեսիրական հասարակական կազմակերպության Գյումրու «Փոքրիկ իշխան» սոցիալական կենտրոնի նկարչության խմբակի երեխաները, մայիսի 16-ին, 17-ին և 21-ին մասնակցեցին Ասլամազյան քույրերի պատկերասրահի կողմից կազմակերպված կավագործության խմբակին: Դասընթացները անց են կացվել 3 փուլով՝ առաջին օրը ծանոթություն երեխաների հետ և նրանց հմտությունների գնահատում, երկրորդ օրը բուն աշխատանքային պրոցես և վերջին՝ երրորդ փուլում աշխատանքների վերջնական մշակում և թրծում: Պատկերասրահի էքսկուրսավար` Միքայել Վարդպարոնյանը նշում է, որ սա նաև արտ թերապիա է: Երեխաներից Լյովա Վարոսյանն այնքան հետաքրքրվեց կավագործությամբ, որ նույնիսկ մտածում է հետագայում այս գործում մասնագիտանալ և դառնալ կավագործ,իսկ մյուս երեխաների համար սա պարզապես հաճելի աշխատանք է, որով կարելի է զբաղվել ազատ ժամանակ:

ՁԻԱՀ-ից մահացածների հիշատակի մոմավառության միջազգային օր «ՄԻԱՎ/ՁԻԱՀ-ի կանխարգելում հետխորհրադային երկրներում» ծրագրի շրջանակներում Գյումրիում տեղի ունեցավ տեղեկատվական ակցիա, ֆլեշմոբ և մոմավառություն՝ նվիրված ՁԻԱՀ-ից մահացածների հիշատակին։ Երիտասարդները կցեցին ավանդական դարձած քվիլտի կտորները, իսկ հետաքրքրված անցորդները, մոտենալով ՁԻԱՀ-ի իրազեկման սիմվոլ հանդիսացող ժապավեն-ստենդին, կարմիր ժապավեններ ամրացրեցին՝ հարգելով ՁԻԱՀ-ի հետևանքով մահացածների հիշատակը։ Այնուհետև տեղի ունեցավ մոմերով երթ Վարդանանց հրապարակից դեպի Թատերական հրապարակ։ Ամեն տարի մայիսի 3-րդ կիրակին համարվում է ՁԻԱՀ-ից մահացածների հիշատակին նվիրված մոմավառության միջազգային օր, սակայն այս օրը նաև հանդիսանում է համաճարակի դեմ պայքարի համայնքային շարժման օր և նպատակ ունի բարձրացնել ՄԻԱՎ-ի և ՁԻԱՀ-ի մասին սոցիալական գիտակցության մակարդակը: Միջոցառման գլխավոր դերում ծրագրի ‹‹Երիտասարդական ակումբն›› էր,

Ապրիլի 11-ին ՀՀ աշխատանքի և սոցիալական հարցերի նախարարության և Հայկական Կարիտաս բարեսիրական հասարակական կազմակերպության միջև ստորագրվել է փոխըմբռնման հուշագիր Վանաձորում առաջին փոքր խմբային տան գործարկման վերաբերյալ: Հուշագրի նպատակը կյանքի դժվարին իրավիճակում հայտնված երեխաներին և նրանց ընտանիքներին տրամադրվող սոցիալական ծառայությունների արդյունավետության բարձրացումն է, երեխաների խնամքի շուրջօրյա ծառայությունների բովանդակային և մեթոդական փոփոխումը, ինչպես նաև երեխայի՝ ընտանիքում ապրելու իրավունքի ապահովումը: Հանդիպման ընթացքում քննարկվել են երեխաների ոլորտի բարեփոխումները, մասնավորապես Լոռու մարզում երեխաների շուրջօրյա խնամքի հաստատությունների վերակազմակերպման գործընթացը: Նախարարի պաշտոնակատար Արտեմ Ասատրյանը կարևորելով ընթացող աշխատանքները՝ հույս է հայտնել գործընկեր կազմակերպությունների հետ համագործակցության շրջանակներում ակտիվացնել վերակազմակերպման գործընթացը՝ հիմքում ունենալով երեխայի և ընտանիքի կարիքների գնահատումն ու կարիքներին համապատասխան սոցիալական ծառայությունների մատուցումը:

Եվրոպական միության կողմից ֆինանսավորվող «Ճանաչել: Պաշտպանել: Իրագործել:» ծրագրի շրջանակում «Հայկական Կարիտաս» բարեսիրական ՀԿ-ի, ՀՀ սփյուռքի նախարարության, «Սիրիահայերի հիմնախնդիրները համակարգող կենտրոն» ՀԿ-ի նախաձեռնությամբ` Կարիտաս Ավստրիայի և Երևանի քաղաքապետարանի աջակցությամբ, Կարապի լճին հարող տարածքում ապրիլի 4-ին բացվեց «Սիրիահայ մշակույթի շունչը Երևանում» բարեգործական ցուցահանդես-տոնավաճառը` նվիրված Մայրության և գեղեցկության տոնին: Ցուցահանդես-տոնավաճառին ներկայացված են սիրիահայերի ձեռքի աշխատանքներ, քաղցրավենիք ու զարդեր: Ցուցահանդես-տոնավաճառի բացմանը ներկա էին ՀՀ սփյուռքի նախարարի տեղակալ Սերժ Սրապիոնյանը, ՄԱԿ-ի Փախստականների հարցերով գերագույն հանձնակատարի հայաստանյան գրասենյակի ներկայացուցիչ Քրիստոֆ Բիերվիրթը, ծրագրերի բաժնի պատասխանատու Նվեր Սարգսյանը, «Ճանաչել: Պաշտպանել: Իրագործել:» ծրագրի ղեկավար Լուսինե Ստեփանյանը, «Սիրիահայերի հիմնախնդիրները համակարգող կենտրոն» և «Հայկական Կարիտաս» բարեսիրական ՀԿ –ների այլ ներկայացուցիչները: