Երեխաների խնամքի մեծ հաստատությունների լուծարման ընթացքում դժվարին իրավիճակում հայտնված երեխաների համար ընտանեկան տիպի այլընտրանքային խնամքի ծառայություն Ծրագրի տևողությունը՝ 01.05.2021-01.05.2024 Վայրը՝ ք. Վանաձոր Շահառուների թիվը՝ մինչև 10 երեխա և նրանց ընտանիքներ Նպատակը՝ Նպաստել Լոռու մարզում դժվարին իրավիճակում հայտնված երեխաների ընտանեկան ապահով և հոգատար  միջավայրում մեծանալու իրավունքի իրացմանը Նկարագրություն` Այն երեխաները, ովքեր չունեն կենսաբանական ընտանիքում ապրելու, որդեգրման, խնամակալության, խնամատարության հնարավորություններ հայտնվում են դժվարին կացության մեջ: Այս երեխաների համար ծրագիրը որպես որպես միջանկյալ լուծում  և որպես այլընտրանք խոշոր մանկատներին առաջարկում է ընտանեկան տիպի այլընտրանքային խնամքի փոքր խմբով տան մոդելը:

Ծրագրի տեւողությունը` 01.11.2023 – 30.04.2024 թթ․ Շահառուների թիվը` 250 երեխա, 200 երեխա համայնքից Վայրը` Վանաձոր   Նպատակը` Ստեղծել ինտեգրված բնապահպանական կրթական կենտրոն ՓԻ ցերեկային խնամքի կենտրոնի տարածքում՝ նպաստելով շրջակա միջավայրի պահմապանման ջատագովների զարգացմանը վաղ տարիքից: Նկարագրությունը` Ծրագիրը նպատակ ունի ստեղծել բնապահպանական կրթական կենտրոն ցերեկային խնամքի կենտրոնի տարածքում: Այս ուսումնական կենտրոնը կմշակի և կիրականացնի տարիքին համապատասխան կրթական ծրագրեր և նյութեր՝ երեխաների շրջանում բնապահպանական իրազեկությունը բարձրացնելու համար: Այն կներառի ինտերակտիվ նիստեր, սեմինարներ, էքսկուրսիաներ՝ ուղղված շրջակա միջավայրի պաշտպանությանը և թափոնների կառավարմանը: