1. Ներածություն

Հայկական Կարիտաս բարեսիրական հասարակական կազմակերպությունը Հայաստանի Հանրապետությունում իրականացնում է սոցիալական, առողջապահական և համայնքային զարգացման ծրագրեր՝ ուղղված խոցելի խմբերի կյանքի որակի բարելավմանը։ Կազմակերպությունը երկարամյա փորձ ունի տարեցների և հաշմանդամություն ունեցող անձանց տնային խնամքի ծառայությունների կազմակերպման և զարգացման ոլորտում՝ համագործակցելով պետական, տեղական ինքնակառավարման մարմինների և միջազգային գործընկերների հետ։

Ծառայությունների որակի, արդյունավետության, հաշվետվողականության և շարունակական բարելավման ապահովման նպատակով անհրաժեշտ է մշակել տնային խնամքի ծառայությունների Մշտադիտարկման, Գնահատման, Հաշվետվողականության և Քաղված դասերի (Monitoring, Evaluation, Accountability and Learning – MEAL) համապարփակ շրջանակ։

Տնային խնամքի ծառայությունների արդյունավետ կազմակերպումը պահանջում է հստակ և գործնական MEAL համակարգ, որը հնարավորություն կտա հետևել ծառայությունների որակին, հասանելիությանը, արդյունավետությանը և ազդեցությանը, ապահովել շահառուների նկատմամբ հաշվետվողականություն, ինչպես նաև նպաստել կազմակերպական ուսուցմանն ու ծառայությունների շարունակական բարելավմանը։

 

2. Նպատակ

Մշակել տնային խնամքի ծառայությունների MEAL համակարգի գործնական և կիրառելի փաթեթ, որը կապահովի ծառայությունների իրականացման ընթացքի, որակի, արդյունքների, ազդեցության և շահառուների կարիքներին համապատասխանության համակարգված գնահատումը։

Մասնավորապես, համակարգը պետք է՝ ապահովի

• տվյալների հավաքագրման, պահպանման և վերլուծության հստակ մեխանիզմներ,
• հնարավորություն տա արդյունավետ կերպով հետևել սահմանված ցուցիչներին,
• ապահովի տվյալների և գործիքների միասնական և տրամաբանական կառուցվածք,
• ներառի շահառուների հետադարձ կապի և հաշվետվողականության մեխանիզմներ,
• նպաստի ծառայությունների շարունակական բարելավմանը և կազմակերպական ուսուցմանը,
• հանդիսանա տվյալահեն որոշումների կայացման հիմք։

 

3. Խնդիրներ

• Ուսումնասիրել տնային խնամքի գործող չափորոշիչները և ծրագրերում կիրառվող ցուցիչները,
• Վերլուծել առկա մշտադիտարկման, հաշվետվողականության համակարգը, հետադարձ կապի և տվյալների հավաքագրման գործիքները,
• Ապահովել գործող ցուցիչների տրամաբանական կառուցվածքը և դրանց կիրառելիությունը,
• Անհրաժեշտության դեպքում առաջարկել ցուցիչների հստակեցումներ կամ լրացումներ՝ ապահովելով դրանց չափելիությունն ու կիրառելիությունը,
• Մշակել տվյալների հավաքագրման և կառավարման գործիքներ,
• Սահմանել հաշվետվությունների կառուցվածք, տրամաբանություն և ձևաթղթեր,
• Մշակել շահառուների հետադարձ կապի և բողոքների կառավարման մեխանիզմների առաջարկներ,
• Առաջարկել գնահատման մեթոդաբանություն,
• Մշակել քաղված դասերի հավաքագրման և կիրառման մեխանիզմներ։

 

4. Աշխատանքի ծավալ

4.1. Գոյություն ունեցող համակարգի ուսումնասիրություն և գնահատում

• Գործող մշտադիտարկման, գնահատման և հաշվետվական պրակտիկայի վերլուծություն,
• Կիրառվող գործիքների և ձևաթղթերի ուսումնասիրություն,
• Բացերի և բարելավման հնարավորությունների բացահայտում։

 

4.2. Ցուցիչների համակարգի կառուցվածքային ձևավորում

Գործող ծրագրերում կիրառվող ցուցիչների վերանայում և դասակարգում՝ ըստ.

• մուտքային (Input),
• գործընթացային (Process),
• արդյունքային (Output),
• ազդեցության (Outcome) մակարդակների։

Ցուցիչների տրամաբանական կառուցվածքի ապահովում,

Յուրաքանչյուր ցուցիչի համար սահմանել.

• տվյալների աղբյուր,
• հավաքագրման մեթոդ,
• պատասխանատու անձ կամ դեր,
• հաշվետվության պարբերականություն։

 

4.3. Տվյալների հավաքագրման և կառավարման համակարգ

• Տվյալների հավաքագրման գործիքների մշակում (ձևաթղթեր, հարցաթերթեր և այլն),
• Գործիքների միասնական կառուցվածքի ապահովում,
• Տվյալների պահպանման և կառավարման մոտեցումների առաջարկ,
• Տվյալների որակի ապահովման մեխանիզմների սահմանում։

4.4. Հաշվետվությունների մեխանիզմներ

• Ամսական, եռամսյակային և տարեկան հաշվետվությունների ձևաչափերի մշակում,
• Տվյալների ներկայացման հստակ կառուցվածքի սահմանում,
• Վերլուծական և տեսանելի (visual) ներկայացման մոտեցումների առաջարկ։

 

4.5. Գնահատման մեթոդաբանություն

• Ծառայությունների արդյունավետության և որակի գնահատման մոտեցումների մշակում,
• Ներքին և արտաքին գնահատման հնարավոր մեխանիզմների առաջարկ,
• Շահառուների բավարարվածության և արդյունքների գնահատման մեթոդների մշակում։

 

4.6. Հաշվետվողականություն և հետադարձ կապ

• Շահառուների հետադարձ կապի և բողոքների կառավարման մեխանիզմների ուսումնասիրություն,
• Հետադարձ կապի հավաքագրման և վերլուծության համակարգի առաջարկ,
• Հաշվետվողականության մեխանիզմների ինտեգրում MEAL համակարգում։

 

4.7. Քաղված դասեր և կազմակերպական ուսուցում

• Քաղված դասերի փաստաթղթավորման մեխանիզմների մշակում,
• Ծրագրային որոշումների կայացման մեջ MEAL տվյալների օգտագործման մոտեցումների առաջարկ,
• Շարունակական բարելավման և կազմակերպական ուսուցման մեխանիզմների ձևավորում։

 

4.8. Գործնական կիրառելիության և ինտեգրման ապահովում

• Առաջարկվող գործիքների և մեխանիզմների հարմարեցում իրական աշխատանքային գործընթացներին,
• Առկա գործիքների հնարավոր ինտեգրում մշակվող համակարգում,
• Գործող ծրագրերում կիրառվող ցուցիչների արդյունավետ մշտադիտարկման ապահովում՝ առանց կրկնությունների և անհարկի բարդությունների,
• Արդյունքների կիրառման հստակ տրամաբանության ապահովում։

 

5. Ակնկալվող արդյունքներ

• Գոյություն ունեցող համակարգի գնահատման համառոտ հաշվետվություն,
• MEAL ամբողջական շրջանակ և կիրառման ուղեցույց,
• Ցուցիչների մատրիցա (Indicator Matrix),
• Տվյալների հավաքագրման գործիքների փաթեթ,
• Հաշվետվությունների ձևաչափեր,
• Գնահատման մեթոդաբանական առաջարկներ,
• Հաշվետվողականության և հետադարձ կապի մեխանիզմների փաթեթ,
• Քաղված դասերի և կազմակերպական ուսուցման առաջարկներ,
• Վերջնական ներկայացում (Presentation)։

 

6. Ժամկետներ

Աշխատանքի իրականացման ընդհանուր տևողությունը՝ մինչև 30 աշխատանքային օր։

Միջանկյալ փուլերը կներառեն.

• Նախնական ուսումնասիրության և աշխատանքային պլանի (Inception Report) ներկայացում,
• Նախագծային փաթեթի ներկայացում և քննարկում,
• Վերջնական փաթեթի ներկայացում։

7. Պահանջվող որակավորումներ

• Առնվազն 3-5 տարվա փորձ մոնիթորինգի, գնահատման կամ MEAL ոլորտում,
• Փորձ սոցիալական, առողջապահական կամ համայնքային զարգացման ծրագրերում,
• Փորձ պետական կամ միջազգային կազմակերպությունների հետ նմանատիպ աշխատանքներում,
• Տվյալների վերլուծության և համակարգերի մշակման փորձ,
• Գործնական և վերլուծական մտածողություն,
• Հայերեն լեզվի գերազանց իմացություն, նաև անգլերենի աշխատանքային իմացություն։

8. Դիմելու կարգ

Հետաքրքրված անձինք պետք է ներկայացնեն՝

• Հետաքրքրության նամակ,
• Ինքնակենսագրական (CV),
• Նմանատիպ աշխատանքների փորձի նկարագրություն,
• Ֆինանսական առաջարկ։
• Դիմելու վերջնաժամկետը՝ 2026 թվականի հոկտեմբերի 25-ը ներառյալ
• Հայտերն ուղարկել հետևյալ էլեկտրոնային հասցեին՝ procurement@caritas.am