2015թ. հոկտեմբերի 14-ը սկսվեց առավոտյան Սուրբ Պատարագով Գյումրու նորակառույց «Սրբոց Նահատակաց» Հայ Կաթողիկե եկեղեցում: Պատարագիչն էր Հայր Ռաֆայել Արքեպիսկոպոս Մինասյանը, ում հայրապետական խոսքն ուղղված էր կարիտասյան համայնքին, կարիտասյան ընտանիքին, որի առաքելությունն է ծառայել հայոց ժողովրդին սիրով եւ սրտացավությամբ:
2015թ. հոկտեմբերի 14-ը սկսվեց առավոտյան Սուրբ Պատարագով Գյումրու նորակառույց «Սրբոց Նահատակաց» Հայ Կաթողիկե եկեղեցում: Պատարագիչն էր Հայր Ռաֆայել Արքեպիսկոպոս Մինասյանը, ում հայրապետական խոսքն ուղղված էր կարիտասյան համայնքին, կարիտասյան ընտանիքին, որի առաքելությունն է ծառայել հայոց ժողովրդին սիրով եւ սրտացավությամբ: Պատարագին ներկա էին Եվրոպայի բազմաթիվ երկրներից ժամանած Կարիտասի բազմաթիվ ներկայացուցիչներ` այդ թվում «Կարիտաս Եվրոպա», «Կարիտաս Ավստրիա», «Կարիտաս Իսպանիա», «Կարիտաս Գերմանիա», «Կարիտաս ֆրանսիա», «Կարիտաս Վրաստան» և «Կարիտաս Ուկրաինա», որոնք եկել էին հանդիպելու Հայկական Կարիտասի իրենց քսանամյա գործընկերոջ հետ, իսկ առավոտյան` աղոթելու հայ ժողովրդի բարեկեցության համար:
Պատարագին հաջորդող հանդիպմանը, որը կայացավ նորակառույց «Էմիլի Արեգակ» բազմակի հաշմանդամություն ունեցող երեխաների կենտրոնում ներկա էին նաեւ ՀԿ-ի տեղական գործընկերները` ՀՀ Աշխատանքի եւ սոցիալական հարցերի նախարարության, Գյումրու տարածքային Զբաղվածության կենտրոնի ներկայացուցիչներ, OXFAM, ՄԱԿ-ի Մանկական հիմնադրամի եւ այլոք:
Բազմաթիվ ելույթներում, որոնց մեջ էր ՀԿ-ի հիմնադիրներից մեկը` տիկ. Զվարթ Նաջարյանը խոսվեց Հայկական Կարիտասի այն հսկայական աշխատանքի մասին, որը կատարվել է 20 տարիների ողջ ընթացքում: Նշվեց սերտ համագործակցության արդյունքներն, առանց որի հնարավոր չէր լինի այն վիթխարի աշխատանքը, որը փոխել է հազարավոր մարդկանց կյանքեր:
Հաջորդ օրը` հոկտեմբերի 15-ին հյուրերն այցելեցին «Հայկական Կարիտասի» բոլոր կենտրոնները ՀԿ գործունեության բոլոր քաղաքներում` Գյումրի, Վանաձոր, Գավառ Տաշիր եւ Երեւան:
«Հայկական Կարիտասի» համար հոկտեմբերի 2-րդ շաբաթը մեծ տոն էր, քանի որ հենց ՀԿ-ի հոբելյանական տարում տեղի ունեցավ ՀԿ միջազգային եւ տեղական գործընկերների առաջին հանդիպումը Հայաստանում` Գյումրիում:
