Թեքահարթակի կառուցման

Գնանշման Հրավեր N IEQE26-13

Պատվիրատուն` «Հայկական Կարիտաս» բարեսիրական ՀԿ-ն, որը գտնվում է ՀՀ, ք․ Գյումրի, Հ․ Սարգսյան փ․, նրբ․ 3․ տ․8 հասցեում, հայտարարում է գնանշման հարցում, որն իրականացվում է մեկ փուլով:

Սույն ընթացակարգի արդյունքում ընտրված մասնակցին սահմանված կարգով կառաջարկվի կնքել Թեքահարթակի կառուցման ծառայության մատուցման պայմանագիր (այսուհետ` պայմանագիր)։

Ընտրված մասնակիցը որոշվում է ոչ գնային պայմաններով բավարար գնահատված հայտեր ներկայացրած մասնակիցների թվից` նվազագույն գնային առաջարկ ներկայացրած մասնակցին նախապատվություն տալու սկզբունքով։

Մրցույթի հայտերի բացման և գնահատման նիստի արձանագրությունը կուղարկվի մրցույթի բոլոր մասնակիցներին։

Հայտերի բացումից հետո 1 օրվա ընթացքում շտկումներ կարելի է կատարել բոլոր տվյալներում բացի գնառաջարկից։

Գնանշման մրցույթին մասնակցելու համար անհրաժեշտ է ներկայացնել գնառաջարկ, կազմակերպության տվյալներ (Հավելված 1) տեխնիկական նկարագիր, շինարարական աշխատանքների ժամանակացույց, երաշխիքային պայմաններ

Մրցույթի հայտերն անհրաժեշտ է ստորագրված տարբերակով ուղարկել procurement@caritas.am հասցեին մինչև սեպտեմբերի 1-ը ժամը 16։00-ն վերնագրում նշելով «Գնառաջարկ IEQE26-13»։

Թեմա։ Մենք հրավիրում ենք ձեր կազմակերպությանը ներկայացնելու գնային առաջարկ ստորև նշված տեխնիկական պահանջների համապատասխանող թեքահարթակի կառուցման համար։ Թեքահարթակը նախատեսվում է կառուցել Շիրակի Պետական Տարածաշրջանային քոլեջում, հասցե՝ Հայաստան, Շիրակի մարզ, Գյումրի, Անտառավան, 4-րդ թաղամաս, 30 շենք

Կատարվող աշխատանքները պետք է ներառեն տեղազննում, չափագրում, տեխնիկական լուծման ներկայացում ըստ ՀՀ գործող շինարարական նորմերի, էսքիզային գծագրի պատրաստում, շինարարական աղբի հեռացում։

1․Տեխնիկական պահանջներ

Թեքահարթակի թեքություն

Թեքահարթակի թեքությունը պետք է լինի առավելագույնը 8%։ Եթե հաղթահարվող բարձրության տարբերությունը 0.20 մ կամ պակաս է, բացառիկ դեպքում թույլատրելի է մինչև 10% թեքություն։

Մեկ թեք բազուկի բարձրություն

Թեքահարթակի մեկ բազուկի առավելագույն բարձրությունը 8% թեքության դեպքում չպետք է գերազանցի 0.80 մ։

Լայնություն

Միակողմանի երթևեկության դեպքում թեքահարթակի լայնությունը պետք է լինի առնվազն 1.0 մ։ Ավելի լավ է գնահարցման մեջ պահանջել ոչ պակաս, քան 1.0–1.2 մ լայնություն՝ կախված տարածքի հնարավորություններից։

Հարթակներ սկզբում, վերջում և շրջադարձերում

Թեքահարթակի հորիզոնական հարթակի խորությունը ուղիղ ընթացքի կամ շրջադարձի հատվածում պետք է լինի առնվազն 1.5 մ։

Ծածկույթ

Ծածկույթը պետք է լինի հարթ, կայուն, չսահող և հարմար անվասայլակով կամ հենակներով տեղաշարժվելու համար։ Չի թույլատրվում օգտագործել լցովի կամ խոշորկառուցվածքային նյութեր, որոնք կխոչընդոտեն տեղաշարժը։

Կողային եզրաշերտեր / կողիկներ

Թեքահարթակի երկայնական եզրերով պետք է նախատեսվեն առնվազն 0.05 մ բարձրությամբ կողիկներ՝ ոտքի, անվասայլակի կամ ձեռնափայտի սահումը կանխելու համար։

Բռնաձողեր / բազրիքներ

Թեքահարթակի երկու կողմերում պետք է նախատեսվեն բռնաձողերով պատնեշներ։ Թեքահարթակի բռնաձողերը պետք է տեղադրվեն 0.70 մ և 0.90 մ բարձրությունների վրա։ Բռնաձողերի ավարտվող մասերը պետք է թեք հատվածից շարունակվեն առնվազն 0.30 մ։

Նյութեր և կառուցվածք

Թեքահարթակը պետք է կառուցվի ամուր, դիմացկուն, չայրվող և արտաքին պայմաններին դիմակայող նյութերից։ Կրող կոնստրուկցիաների դեպքում նորմը պահանջում է առնվազն R60 հրակայունության սահման։

Անվտանգություն և ջրահեռացում

Պետք է նախատեսել ջրահեռացում կամ այնպիսի լուծում, որ թեքահարթակի վրա ջուր, ձյուն կամ սառույց չկուտակվի։ Մակերեսը պետք է լինի չսահող՝ հատկապես անձրևի և ձմեռային պայմանների դեպքում։

Մուտքի հետ կապ

Թեքահարթակը պետք է ապահովի անխոչընդոտ անցում դեպի շենքի մուտք՝ առանց բարձր շեմերի, կտրուկ եզրերի կամ վտանգավոր անցումների։

Աշխատանքները կհամարվեն ավարտված չափերի և որակի սգուգումից հետո հանձման-ընդունման ակտի կնքումով։ Վերջնական ընդունման ժամանակ պատվիրատուն իրավունք ունի կատարել չափումների վերահսկում և հայտնաբերված թերությունների դեպքում պահանջել դրանց վերացում՝ առանց լրացուցիչ վճարի։

Աշխատանքնորը պետք է ավարտված լինեն մինչև ՝ 2026թ․-ի հոկտեմբերի 20-ը։

Աշխատանքները պետք է համապատասխանեն.

ՀՀ քաղաքաշինական նորմերին,
ՀՀ շինարարական տեխնիկական կանոնակարգերին,
«Շենքերի և շինությունների մատչելիության» գործող նորմերին,

Պահանջ	Չափ / սահմանաչափ
Թեքահարթակի առավելագույն թեքություն	ոչ ավելի, քան 8%
Եթե բարձրությունների տարբերությունը 0.20 մ կամ պակաս է	թույլատրելի է թեքությունը մինչև 10%
Մեկ վերելքի / բազուկի առավելագույն բարձրություն	ոչ ավելի, քան 0.80 մ
Միակողմանի երթևեկությամբ թեքահարթակի նվազագույն լայնություն	ոչ պակաս, քան 1.00 մ
Հորիզոնական հարթակի խորություն՝ ուղիղ ընթացքի կամ ոլորանի վրա	ոչ պակաս, քան 1.50 մ
Կողային պաշտպանիչ կողիկների բարձրություն	ոչ պակաս, քան 0.05 մ
Բռնաձողերի տեղադրման բարձրություն	0.70 մ և 0.90 մ
Բռնաձողերի շարունակություն թեք մասի ավարտից հետո	առնվազն 0.30 մ
Թեքահարթակի/մուտքային հարթակի լայնական թեքություն	1–2%
Ծածկի սալերի միջև կարանների լայնություն, եթե կիրառվում են բետոնե սալեր	ոչ ավելի, քան 0.015 մ
Դռան շեմի կամ հատակի բարձրության անկում, եթե շեմը անխուսափելի է	ոչ ավելի, քան 0.025 մ
Թեքահարթակից/սանդուղքից առաջ նախազգուշացնող մակերևույթի հեռավորություն	0.60 մ