Տեխնիկական Առաջադրանք
«Կարիտաս Արեգակ» Բարեգործական Հիմնադրամ
«Ուժեղ և Հզորացված Կանայք» ծրագրի շրջանակներում
Ծրագրի անվանումը: Ուժեղ և Հզորացված Կանայք
Իրականացման վայրը: ՀՀ, Շիրակի մարզ ք. Գյումրի
Դիմումների ներկայացման վերջնաժամկետ: 10.04.2025
Սկզբնաժամկետ: Հունիս 2025
Պայմանագրի տեսակը: Ծառայությունների մատուցման պայմանագիր
Ծառայությունների մատուցման տևողությունը: 1-2 ամիս
Դիմումների համար էլ. հասցե: anush.martirosyan@caritas.am և caritasaregak@gmail.com
Մեր մասին
«Կարիտաս Արեգակ» հիմնադրամը, հիմնադրվել է 2020 թվականին, այն միտված է Գյումրիում հաշմանդամություն ունեցող անձանց, նրանց ընտանիքների և խոցելի խմբերի կյանքի բարելավմանը։ Այն «Հայկական Կարիտաս» բարեգործական ՀԿ-ի դուստր կազմակերպությունն է և շարունակաբար իրականացնում է ներառականության և սոցիալական պաշտպանության ծրագրեր՝ սկսած 2008 թվականից։ Հիմնադրամի առաքելությունը հիմնված է արժանապատվության, արդարության և հզորացման սկզբունքների վրա՝ նպատակ ունենալով ապահովել տնտեսական անկախություն, համայնքային ինտեգրում և ընդհանուր բարօրություն։
«Ուժեղ և հզորացված կանայք» ենթադրամաշնորհային ծրագիրն իրականացվում է «Կարիտաս Արեգակ» բարեգործական հիմնադրամի կողմից՝ «ՀԱՎԱՍԱՐ – ԵՄ-ն հանուն կանանց իրավազորման Հայաստանում» ծրագրի շրջանակում։ Ծրագիրն իրականացվում է ՕքսԵՋեն հիմնադրամի, «Եվրոպական գործընկերություն հանուն ժողովրդավարության» ՀԿ-ի, «Նիդեռլանդների հելսինկյան կոմիտե» ՀԿ-ի, «Կանանց աջակցման կենտրոն» ՀԿ-ի, «ՎԻՆՆԵԹ Գորիս» զարգացման հիմնադրամի կողմից, «Վիննեթ Շվեդիա» ՀԿ-ի հետ համագործակցությամբ: Ծրագիրը ֆինանսավորվում է Եվրոպական միության կողմից:
Ծրագիրը նպատակ ունի ապահովել կանանց տնտեսական զորացումը՝ տրամադրելով գիտելիքներ կանաչ բիզնես մոդելների և դրամահավաքի ռազմավարությունների վերաբերյալ։ Այս նպատակով «Կարիտաս Արեգակ» հիմնադրամը փնտրում է փորձագետ-դասընթացավար՝ կայուն բիզնեսի զարգացման վերաբերյալ դասընթացների համար։
Աշխատանքների շրջանակ
Ընտրված փորձագետը պատասխանատու կլինի հետևյալի համար՝
- Կանաչ և կայուն բիզնես մոդելների վերաբերյալ դասընթացների անցկացում։
- Էկոլոգիապես բարենպաստ գյուղատնտեսական և բիզնես պրակտիկաների ներկայացում։
- Մասնակիցներին ուղղորդում դրամահավաքի, դրամաշնորհային առաջարկների մշակման և կանաչ նախաձեռնությունների ֆինանսավորման ապահովման հարցերում։
Արդյունքներ
- Կանաչ ձեռնարկատիրության և կայուն զարգացման թեմաներով դասընթացների անցկացում։
- Դրամահավաքի և բիզնեսի կայունության գործիքների տրամադրում։
- Անհատական խորհրդատվության անցկացում՝ 3 բիզնես առաջարկների մշակման համար։
Ընտրության չափանիշներ
- Կանաչ բիզնեսի, կայուն զարգացման կամ շրջակա միջավայրի ձեռնարկատիրության ոլորտում փորձառություն։
- Դրամահավաքի և դրամաշնորհային առաջարկների մշակման ապացուցված փորձ։
- Խոցելի խմբերի, հատկապես կանանց ուսուցման փորձ։
Դիմումների ներկայացման կարգ
Հետաքրքրված թեկնածուները պետք է ներկայացնեն՝
- CV և համապատասխան փորձի նկարագրություն
- Առաջարկվող դասընթացների ծրագիր և ուսուցման մեթոդաբանության նկարագրություն
- 2 դասընթացների ժամանակացույց (շաբաթական մեկ հանդիպում, տևողությունը 1,5 ժամ, 20 մասնակիցների համար)
- Ֆինանսական առաջարկ
Դիմումներն անհրաժեշտ է ուղարկել մինչև 2025 թ․ ապրիլի 10-ը հետևյալ էլ․ հասցեներին՝ anush.martirosyan@caritas.am և caritasaregak@gmail.com ։
Այս հրապարակումը պատրաստվել է Եվրոպական միության ֆինանսական աջակցությամբ:
Բովանդակության համար պատասխանատվություն է կրում «Կարիտաս Արեգակ» հիմնադրամը, և պարտադիր չէ, որ այն արտահայտի Եվրոպական միության տեսակետները: