ԾԱՌԱՅՈՒԹՅԱՆ ՊԱՅՄԱՆՆԵՐ
«Կարիտաս Արեգակ» Բարեգործական Հիմնադրամ
«Ուժեղ և Հզորացված Կանայք» ծրագրի շրջանակներում
Ծրագրի անվանումը: Ուժեղ և Հզորացված Կանայք
Վայրը: ՀՀ, Շիրակի մարզ ք. Գյումրի
Դիմումների ներկայացման վերջնաժամկետ: 10.04.2025
Սկզբնաժամկետ: Մայիս 2025
Պայմանագրի տեսակը: Ծառայությունների մատուցման պայմանագիր
Ծառայությունների մատուցման տևողությունը: 1-2 ամիս
Դիմումների համար էլ. հասցե: anush.martirosyan@caritas.am և caritasaregak@gmail.com
Մեր մասին
«Կարիտաս Արեգակ» հիմնադրամը, հիմնադրվել է 2020 թվականին, այն միտված է Գյումրիում հաշմանդամություն ունեցող անձանց, նրանց ընտանիքների և խոցելի խմբերի կյանքի բարելավմանը։ Այն «Հայկական Կարիտաս» բարեգործական ՀԿ-ի դուստր կազմակերպությունն է և շարունակաբար իրականացնում է ներառականության և սոցիալական պաշտպանության ծրագրեր՝ սկսած 2008 թվականից։ Հիմնադրամի առաքելությունը հիմնված է արժանապատվության, արդարության և հզորացման սկզբունքների վրա՝ նպատակ ունենալով ապահովել տնտեսական անկախություն, համայնքային ինտեգրում և ընդհանուր բարօրություն։
«Ուժեղ և հզորացված կանայք» ենթադրամաշնորհային ծրագիրն իրականացվում է «Կարիտաս Արեգակ» բարեգործական հիմնադրամի կողմից՝ «ՀԱՎԱՍԱՐ – ԵՄ-ն հանուն կանանց իրավազորման Հայաստանում» ծրագրի շրջանակում։ Ծրագիրն իրականացվում է ՕքսԵՋեն հիմնադրամի, «Եվրոպական գործընկերություն հանուն ժողովրդավարության» ՀԿ-ի, «Նիդեռլանդների հելսինկյան կոմիտե» ՀԿ-ի, «Կանանց աջակցման կենտրոն» ՀԿ-ի, «ՎԻՆՆԵԹ Գորիս» զարգացման հիմնադրամի կողմից, «Վիննեթ Շվեդիա» ՀԿ-ի հետ համագործակցությամբ: Ծրագիրը ֆինանսավորվում է Եվրոպական միության կողմից:
Ծրագիրը նպատակ ունի ապահովել տնտեսական զորացման հնարավորություններ հաշմանդամություն ունեցող կանանց և գենդերային բռնության (GBV) վերապրածների համար, նպաստելով նրանց ֆինանսական և բիզնես հմտությունների զարգացմանը։ «Կարիտաս Արեգակ» հիմնադրամը փնտրում է փորձագետ-դասընթացավարներ՝ ֆինանսական գրագիտության և բիզնես պլանավորման դասընթացներ անցկացնելու համար։
Աշխատանքների շրջանակ
Ընտրված փորձագետը պատասխանատու կլինի հետևյալի համար՝
- Ֆինանսական գրագիտության դասընթացների անցկացում (բյուջետավորում, խնայողություն, հիմնարար հաշվապահություն)։
- Բիզնես պլանավորման աշխատաժողովների կազմակերպում, ներառյալ շուկայի ուսումնասիրություն և բիզնես առաջարկների մշակում։
- Մասնակիցների աջակցություն անհատական բիզնես պլանների մշակման հարցում։
Արդյունքներ
- Դասընթացների անցկացում, որոնք համապատասխանեցված են հաշմանդամություն ունեցող կանանց և GBV վերապրածների կարիքներին։
- Անհատականացված բիզնես պլանների ձևանմուշներ և գործիքներ։
- Նախնական և եզրափակիչ գնահատում, որոնք կօգնեն չափել մասնակիցների առաջընթացը։
Ընտրության չափանիշներ
- Ֆինանսական գրագիտության, բիզնես պլանավորման կամ հարակից ոլորտներում ապացուցված փորձառություն։
- Խոցելի խմբերի, հատկապես կանանց վերապատրաստման փորձ։
- Ինտերակտիվ և մատչելի ուսուցման մեթոդների կիրառման կարողություն։
Դիմումների ներկայացման կարգ
Հետաքրքրված թեկնածուները պետք է ներկայացնեն՝
- CV և համապատասխան փորձի նկարագրություն
- Առաջարկվող դասընթացների ծրագիր և ուսուցման մեթոդաբանության նկարագրություն
- 5 դասընթացների ժամանակացույց (շաբաթական մեկ հանդիպում, տևողությունը 1,5 ժամ, 20 մասնակիցների համար)
- Ֆինանսական առաջարկ
Դիմումներն անհրաժեշտ է ուղարկել մինչև ապրիլի 10-ը հետևյալ էլ. հասցեներին՝ anush.martirosyan@caritas.am և caritasaregak@gmail.com:
Այս հրապարակումը պատրաստվել է Եվրոպական միության ֆինանսական աջակցությամբ:
Բովանդակության համար պատասխանատվություն է կրում
«Կարիտաս Արեգակ» հիմնադրամը, և պարտադիր չէ, որ այն արտահայտի Եվրոպական
միության տեսակետները: