Ծրագրի անվանումը`	«ԵՄ-ն  հանուն Հայաստանի համայնքներում էներգաարդյունավետության և վերականգնվող էներգիայի»
Հայտերի ընդունման վերջնաժամկետը՝	18.07.2024
Իրականացման վերջնաժամկետը`	2 ամիս
Քանակը`	20 շինության վերահսկում /29 միջոցառում/
Տարածքը`	Շիրակի մարզ

 

Նկարագիրը և պայմանները.

«Հայկական Կարիտաս» բարեսիրական ՀԿ-ն գործում է Հայաստանում 1995 թվականից և ներկայումս իրականացնում է տարբեր ծրագրեր հետևյալ ոլորտներում՝ սոցիալական պաշտպանություն, երեխաների խնամք, տարեցների խնամք, հաշմանդամություն ունեցող անձանց աջակցություն, համայնքային զարգացում, հանրային առողջապահություն, միգրացիա և վերադարձողների վերաինտեգրում, աղետների ռիսկի կառավարում և մարդասիրական օգնություն:

 

2023թ․ սեպտեմբերից «Հայկական Կարիտաս»-ն իրականացնում է «Վերականգնվող էներգիայի և էներգաարդյունավետության խթանում Շիրակի մարզի համայնքներում» միջոցառումը:    Միջոցառումն իրականացվում է Եվրոպական միության և Գերմանիայի Դաշնային Հանրապետության տնտեսական համագործակցության և զարգացման նախարարության (ԳԴՀ ՏՀԶՆ) ֆինանսական աջակցությամբ իրականացվող «ԵՄ-ն հանուն Հայաստանի համայնքներում էներգաարդյունավետության և վերականգնվող էներգիայի» ծրագրի շրջանակում, որն իրականացվում է Գերմանական միջազգային համագործակցության ընկերության (ԳՄՀԸ) կողմից որպես «Բնական պաշարների կառավարում և էկոհամակարգային ծառայությունների պահպանություն Հարավային Կովկասում գյուղական տարածքների կայուն զարգացման համար» (ԷԿՈսերվ) ծրագրի մաս։

 

Վերը նշված ծրագրի շրջանակում «Հայկական Կարիտաս»-ն այս փուլում հայտարարում է ստորև նշված կառույցների միջոցառումների որակի տեխնիկական հսկողի ծառայությունների գնման հրավեր:

 

Բնակավայրեր և տեղամասեր

 

ՀՀ	Համայնք/բնակավայր	Օբյեկտի անվանում, տեղադրման կետ	Միջոցառման տեսակ
1	Ախուրյան/ Կառնուտ	Մանկպարտեզ	15կՎ ՖՎ համակարգ
2	Ախուրյան/ Ջրառատ	Մանկապարտեզ	20կՎ ՖՎ համակարգ
3	Ախուրյան/ Բայանդուր	Մանկապարտեզ	15կՎ ՖՎ համակարգ
4	Ախուրյան/ Ջաջուռավան	Մանկապարտեզ	10կՎ ՖՎ համակարգ
5	Ախուրյան/ Հացիկ	Մանկապարտեզ	5.5կՎ ՖՎ համակարգ
6	Ախուրյան/ Շիրակ	Մանկապարտեզ	5.5 կՎ ՖՎ համակարգ
7	Արթիկ/ Լեռնակերտ	Մանկապարտեզ	8կՎ ՖՎ համակարգ
8	Արթիկ/ Մեծ Մանթաշ	Մանկապարտեզ	8կՎ ՖՎ համակարգ
9	Արթիկ/ Պեմզաշեն	Արվեստի դպրոց	5.5կՎ ՖՎ համակարգ
10	Արթիկ/ Սպանդարյան	Մանկապարտեզ	5.5կՎ ՖՎ համակարգ
11	Աշոցք/Ցողամարգ	Համայնքային կ-ն	5.5կՎ ՖՎ համակարգ
12	Աշոցք/ Սալուտ	Համայնքային կ-ն	5.5կՎ ՖՎ համակարգ
13	Անի/Սառնաղբյուր	Մանկապարտեզ	10կՎ ՖՎ համակարգ
14	Անի/ Լանջիկ	Համայնքային կ-ն	6.5կՎ ՖՎ համակարգ
15	Ախուրյան/Կառնուտ	Մանկապարտեզ	470 ք.մ կտուրի ջերմամեկուսացում
16	Ախուրյան/Ջրառատ	Մանկապարտեզ	470 ք.մ. կտուրի ջերմամեկուսացում
17	Ախուրյան/Բայանդուր	Մանկապարտեզ	470 ք.մ կտուրի ջերմամեկուսացում
18	Ախուրյան/Ջաջուռավան	Մանկապարտեզ	125 ք.մ. կտուրի ջերմամեկուսացում
19	Ախուրյան/Հացիկ	Մանկապարտեզ	610 ք.մ. կտուրի ջերմամեկուսացում
20	Ախուրյան/Շիրակ	Մանկապարտեզ	413 ք.մ. կտուրի ջերմամեկուսացում
21	Անի/Սառնաղբյուր	Մանկապարտեզ	710 ք.մ. կտուրի ջերմամեկուսացում
22	Աշոցք/Ցողամարգ	Երիտասարդական կենտրոն	185 ք.մ. կտուրի ջերմամեկուսացում
23	Աշոցք/ Գոգհովիտ	Համայնքային կ-ն	310 ք.մ. կտուրի ջերմամեկուսացում
24	Աշոցք/ Արփենի	Համայնքային կ-ն	310 ք.մ. կտուրի ջերմամեկուսացում
25	Աշոցք/ Մուսաելյան	Մանկապարտեզ	185 ք.մ. կտուրի ջերմամեկուսացում
26	Աշոցք/Արփենի	Համայնքային Կենտրոն	Դուռ /17 քառ․մ/ պատուհան /32 քառ․ մ/
27	Աշոցք/Գոգհովիտ	Համայնքային կենտրոն	Դուռ /33 քառ․մ/ պատուհան /34 քառ․ մ/
28	Աշոցք/Մուսաելյան	Վարչական շենք/ համայնքային կենտրոն	Պատուհանների փոխարինում 9 հատ /13 քառ․ մ/ Արտաքին դռներ – 3 հատ /6.2ք.մ/
29	Աշոցք/ Սալուտ	Համայնքային կենտրոն	Նկուղի դուռ – 2.6 քառ.մ, պատուհան – 1 քառ.մ Նախամուտք – 34ք.մ, արտաքին պատեր, մուտքի դուռ – 2.4ք.մ.

 

Ինքնակենսագրականի վերջնաժամկետը և ներկայացման եղանակը

Բոլոր ինքնակենսագրականները պետք է ներկայացվեն ներքևում նշված հասցեով ոչ ուշ քան․

Ամիս/ամսաթիվ՝ հուլիս 18, 2024՝ մինչև աշխատանքային օրվա ավարտը

Հասցե՝  «Հայկական Կարիտաս»-ի գլխամասային գրասենյակ

Գյումրի 3118,  Հ. Սարգսյան փ., նրբ. 3, տուն 8, (+374 312) 57201 – գրասենյակ կամ

PDF տարբերակով՝ հետևյալ էլ-հասցեին․ info@caritas.am, edgar.hakobyan@caritas.am .

Պարզաբանումներ

 

Գնանշման հարցման վերաբերյալ որևէ պարզաբանում կարիք ունեցող անձինք կամ կազմակերպությունները կարող են գրավոր դիմել «Հայկական Կարիտաս» ԲՀԿ-ին կամ կապ հաստատել ծրագրի համակարգող Էդգար Հակոբյանի հետ +37493227905 հեռախոսահամարով։

 

Ծառայության մատուցման ընդհանուր պահանջներ

1. Շինարարական աշխատանքների կատարման ընթացքում իրականացնել շինարարության որակի տեխնիկական հսկողություն ամենօրյա ռեժիմով ՝ համաձայն Քաղաքաշինության նախարարի թիվ 44 առ 28,04,1998 «ՇԻՆԱՐԱՐՈՒԹՅԱՆ ՈՐԱԿԻ ՏԵԽՆԻԿԱԿԱՆ ՀՍԿՈՂՈՒԹՅԱՆ ԻՐԱԿԱՆԱՑՄԱՆ ՀՐԱՀԱՆԳ» հրամանի կետերին համաձայն։
2. Գնահատել և հսկել աշխատանքների կատարման ժամանակահատվածը պայմանագրերին համապատասխան ժամանակացույցով՝ շինարարական աշխատանքներն ավարտելու նպատակով,
3. Իրականացնել հսկողություն շինարարական տեղամասերում աշխատանքների կատարման ընթացքում անվտանգության կանոնները պահպանելու նպատակով։

 

Մասնակցության պայմանները.

• Որպես հայտատու կարող են հանդես գալ տեղական իրավաբանական անձի կարգավիճակ ունեցող կազմակերպություններ, անհատ ձեռներեցներ կամ անձինք, որոնք ունեն համապատասխան լիցենզիաներ և նախկինում ունեցել են ոլորտային դրական փորձ, (առնվազն 5 տարի),
• Կառավարման և վարչական կազմակերպությունների /մարմինների (հանրային և մասնավոր), համայնքների և միջազգային կազմակերպությունների հետ աշխատանքային փորձ,
• Հայտատուի թիմում ներգրավված մասնագետը/ները պետք է ունենան համապատասխան ոլորտում կրթություն, առնվազն 3 տարվա մասնագիտական աշխատանքային փորձ և համապատասխան չափաբաժնի վերաբերյալ առնվազն երեք իրականացված ծրագիր/պայմանագիր/աշխատանք,
• Առաջադրանքի կատարման համար Հայաստանում գործող համապատասխան օրենսդրական դաշտի իմացություն,
• Գնային առաջարկը անհրաժեշտ է ներկայացնել՝ լրացնելով Հավելված 1 և ինքնակենսագրականը,
• Հայտատուի կողմից այլ պատվիրատուներին մատուցած ծառայությունների վերաբերյալ տեղեկատվություն, կոնտակտներ,
• Հայտը պետք է լինի ստորագրված և կնքած (կնիքի առկայության դեպքում)։
• Կազմակերպությունների դեպքում գնառաջարկը ներկայացնել առանց ԱԱՀ։

 

Վճարման ժամանակացույցը

• Ներկայացվող գնառաջարկը պետք է ներառի ՀՀ օրենսդրությամբ սահմանված բոլոր հարկերը, բացառությամբ ԱԱՀ-ի՝ սույն ծրագրի շրջանակում ձեռք բերվող ապրանքների և մատուցվող ծառայությունների 80%-ն ազատված են ԱԱՀ-ից և մաքսատուրքից, իսկ 20% գումարը հանդիսանում է ներդրում, որն ազատված չէ ԱԱՀ-ից։
• Վճարումը կիրականացվի համաձայն փաստացի կատարված աշխատանքի և հանձման-ընդունման ակտի։
• Ցուցումներ մատակարարներին
• 1) գնանշման համար կիրառվող լեզուն՝ հայերեն,
• 2) բոլոր գները պետք է ներկայացվեն ՀՀ դրամով, առանց ԱԱՀ,
• 3) առաջարկները պետք է ներառեն պահանջվող փաստաթղթերը,
• 4) առաջարկները պետք է ներկայացվեն փակ ծրարով (ոչ էլեկտրոնային տարբերակով ուղարկելու դեպքում),
• 5) գնանշմանը կից պետք է ուղարկել լրացված Հավելված 1-ը։

 

• 4․ Գնանշումները կմերժվեն հետևյալ դեպքերում
• ա) թերի ներկայացում (օրինակ ՝ բացակայող փաստաթղթեր, հավելվածներ),
• բ) չեն համապատասխանում պահանջվող տեխնիկական պայմաններին,
• գ) ներկայացվել են հրավերի սահմանված վերջնաժամկետից հետո:

 

Գնահատման չափանիշներ

• Գնահարցումները կգնահատվեն ըստ գին-որակ հարաբերակցության և որպես տեխնիկապես առավել ընդունելի առաջարկ, որը կհամապատասխանի «Հայկական Կարիտաս»-ի առաքման ժամանակացույցի պահանջներին.
• ա) համապատասխանությունը բնութագրերին/տեխնիկական պահանջներին,
• բ) անհրաժեշտ պահին ծառայություն մատուցելու կարողությունը,
• գ) գնահարցմանը ներկայացված ծառայությունների մատուցման որակը,
• դ) ծառայությունների մատուցման համար նախատեսված ժամկետները,
• ե) առաջարկվող սակագները և առաջարկվող զեղչերը,
• զ) առաջարկվող երաշխիքային պայմանները,
• ը) նախկինում իրագործված նախագծերը։

Կարդալ ավելին ․․․