Տեխնիկական Առաջադրանք

«Կարիտաս Արեգակ» Բարեգործական Հիմնադրամ
«Ուժեղ և Հզորացված Կանայք» ծրագրի շրջանակներում

 

Ծրագրի անվանումը: Ուժեղ և Հզորացված Կանայք

Իրականացման վայրը: ՀՀ, Շիրակի մարզ ք. Գյումրի

Դիմումների ներկայացման վերջնաժամկետ: 10.04.2025

Սկզբնաժամկետ: Հունիս 2025

Պայմանագրի տեսակը: Ծառայությունների մատուցման պայմանագիր

Ծառայությունների մատուցման տևողությունը: 1-2 ամիս

Դիմումների համար էլ. հասցե: anush.martirosyan@caritas.am և caritasaregak@gmail.com

 

Մեր մասին

«Կարիտաս Արեգակ» հիմնադրամը, հիմնադրվել է 2020 թվականին, այն միտված է Գյումրիում հաշմանդամություն ունեցող անձանց, նրանց ընտանիքների և խոցելի խմբերի կյանքի բարելավմանը։ Այն «Հայկական Կարիտաս» բարեգործական ՀԿ-ի դուստր կազմակերպությունն է և շարունակաբար իրականացնում է ներառականության և սոցիալական պաշտպանության ծրագրեր՝ սկսած 2008 թվականից։ Հիմնադրամի առաքելությունը հիմնված է արժանապատվության, արդարության և հզորացման սկզբունքների վրա՝ նպատակ ունենալով ապահովել տնտեսական անկախություն, համայնքային ինտեգրում և ընդհանուր բարօրություն։

«Ուժեղ և հզորացված կանայք» ենթադրամաշնորհային ծրագիրն իրականացվում է «Կարիտաս Արեգակ» բարեգործական հիմնադրամի կողմից՝ «ՀԱՎԱՍԱՐ – ԵՄ-ն հանուն կանանց իրավազորման Հայաստանում» ծրագրի շրջանակում։ Ծրագիրն իրականացվում է ՕքսԵՋեն հիմնադրամի, «Եվրոպական գործընկերություն հանուն ժողովրդավարության» ՀԿ-ի, «Նիդեռլանդների հելսինկյան կոմիտե» ՀԿ-ի, «Կանանց աջակցման կենտրոն» ՀԿ-ի, «ՎԻՆՆԵԹ Գորիս» զարգացման հիմնադրամի կողմից, «Վիննեթ Շվեդիա» ՀԿ-ի հետ համագործակցությամբ: Ծրագիրը ֆինանսավորվում է Եվրոպական միության կողմից:

Ծրագիրը փնտրում է գենդերային ներառականության փորձագետների՝ բիզնեսների և կազմակերպությունների համար գենդերային զգայուն քաղաքականությունների և ներառական աշխատավայրերի վերաբերյալ դասընթացներ անցկացնելու համար։

 

Աշխատանքների շրջանակ

  • Ընտրված փորձագետը պատասխանատու կլինի հետևյալի համար՝
  • Դասընթացների անցկացում բիզնեսների և ՀԿ-ների համար՝ գենդերային զգայուն և ներառական քաղաքականությունների վերաբերյալ։
  • Խորհրդատվություն տրամադրում աշխատաշուկայում և բիզնեսում գենդերային հավասարության ապահովման վերաբերյալ։
  • Տեղեկատվական և քննարկում հանդիպումների կազմակերպում՝ գենդերային կարծրատիպերի հաղթահարման նպատակով։

 

Արդյունքներ

  • Գենդերային զգայուն աշխատավայրերի քաղաքականության ուղեցույց։
  • Բիզնեսների և ՀԿ-ների համար նախատեսված դասընթացների նյութեր և հանդիպումներ։
  • Գործնական ռազմավարություններ՝ կազմակերպություններում գենդերային ներառական գործելակերպերի ներդրման համար։

 

Ընտրության չափանիշներ

  • Գենդերային ուսումնասիրությունների, գենդերային ներառականության կամ հարակից ոլորտներում փորձառություն։
  • Գործունեության փորձ քաղաքականությունների մշակման և ներառական աշխատավայրերի ձևավորման հարցերում։
  • Խմբային աշխատանքի ու քննարկումների արդյունավետ վարելու հմտություններ։

 

Դիմումների ներկայացման կարգ

  • Հետաքրքրված թեկնածուները պետք է ներկայացնեն՝
  • CV և համապատասխան փորձի նկարագրություն
  • Առաջարկվող դասընթացների ծրագիր և ուսուցման մեթոդաբանության նկարագրություն
  • Քննարկման 2 հանդիպման, 4 դասընթացի և 1 իրազեկման հանդիպման ժամանակացույց (տևողությունը 2 ժամ, 5-10 մասնակիցների համար)
  • Ֆինանսական առաջարկ

 

Դիմումներն անհրաժեշտ է ուղարկել մինչև 2025 թ․ ապրիլի 10-ը հետևյալ էլ․ հասցեներին՝ anush.martirosyan@caritas.am  և caritasaregak@gmail.com ։

Այս հրապարակումը պատրաստվել է Եվրոպական միության ֆինանսական աջակցությամբ:

Բովանդակության համար պատասխանատվություն է կրում
«Կարիտաս Արեգակ» հիմնադրամը, և պարտադիր չէ, որ այն արտահայտի Եվրոպական
միության տեսակետները: