«Հայկական Կարիտաս» բարեսիրական հասարակական կազմակերպության՝ աղետների ռիսկերի կառավարման պլանի մշակման, վավերացման և իրագործման կարողությունների զարգացման համար տեխնիկական աջակցություն տրամադրող կազմակերպություն ընտրելու նպատակով
«Կառուցենք կամուրջներ․ Հայաստանում փախստականների և տեղական համայնքների սոցիալ-տնտեսական ինտեգրում և դիմակայունության բարձրացում» ծրագիր
| Ծրագրի անվանումը | Կառուցենք կամուրջներ․ Հայաստանում փախստականների և տեղական համայնքների սոցիալ-տնտեսական ինտեգրում և դիմակայունության բարձրացում |
| Իրականացման վայրը | Հայաստանի Հանրապետություն |
| Դիմումների ներկայացման վերջնաժամկետը | 13․07․2025թ․ 23։00 |
| Սկզբի ամսաթիվը | Հուլիս 2025թ․ |
| Պայմանագրի տեսակը | Ծառայության պայմանագիր |
| Ծառայության մատուցման տևողությունը | Հուլիս – սեպտեմբեր 2025թ․ |
| Դիմումների համար նախատեսված էլեկտրոնային հասցեներ | v.gasparyan@caritas.am; info@caritas.am |
- Ներածություն
2024թ․ հոկտեմբերից Հայկական Կարիտասն իրականացնում է «Կառուցենք կամուրջներ. Հայաստանում փախստականների և տեղական համայնքների սոցիալ-տնտեսական ինտեգրում և դիմակայության բարձրացում» ծրագիրը՝ Կարիտաս կոնֆեդերացիայի անդամ կազմակերպությունների ֆինանսավորմամբ։ Ծրագրի նպատակն է նպաստել Հայաստանում Լեռնային Ղարաբաղից տեղահանված անձանց և տեղական համայնքների սոցիալ-տնտեսական ինտեգրմանն ու դիմակայունության բարձրացմանը՝ ապահովելով արժանապատիվ կյանք և կայուն զարգացում։
- Գործողության նպատակը
Հայկական Կարիտասը գործում է Հայաստանի հինգ մարզում և Երևանում․ ունի 14 գրասենյակ և կենտրոն։
Ծրագրի բաղադրիչներից է աղետների ռիսկերի կառավարման (ԱՌԿ) ուղղությունը, որի շրջանակում նախատեսվում է Հայկական Կարիտասի կարողությունների զարգացումը արտակարգ իրավիճակներին պատրաստավության և արձագանքման ոլորտում։ Մասնավորապես նախատեսվում է մշակել աղետների ռիսկերի կառավարման (ԱՌԿ) պլան՝ ընդգրկելով Հայկական Կարիտասի ամբողջ կառուցվածքը։
Գործողությունն իրականացվում է Ծրագրի Հատուկ խնդիր 2-ի շրջանակում, այն է՝
«Հայկական Կարիտասն ունի արտակարգ իրավիճակների պատրաստվածության և արձագանքման համար համապատասխան կառուցվածք, ուղեցույցներ և ռեսուրսներ։
Արդյունք 2.1․ Հայկական Կարիտասի անձնակազմը պատրաստ է արձագանքել հնարավոր արտակարգ իրավիճակներին։
Արդյունք 2.2․ Հայկական Կարիտասի գրասենյակները/կենտրոնները պատրաստ են և հարմարեցված արտակարգ իրավիճակներին։
Գործընթացը կիրականացվի սերտ համագործակցությամբ պետական և տեղական ինքնակառավարման մարմինների, ինչպես նաև արտակարգ իրավիճակների կառավարման ոլորտի պատասխանատու հաստատությունների հետ՝ ապահովելու մշակված պլանի իրատեսականությունն ու համապատասխանությունը ՀՀ օրենսդրական և ոլորտային պահանջներին։
- Գործողության շրջանակը
Գործողության շրջանակում մշակվելու և ներդրվելու է Աղետների ռիսկերի կառավարման (ԱՌԿ) պլանը՝ ընդգրկելով Հայկական Կարիտասի ամբողջ կառուցվածքը, հաշվի առնելով աշխարհագրական տեղակայվածությունն ու առանձնահատկությունները։ ԱՌԿ պլանը պետք է համապատասխանի ՀՀ օրենսդրությանը և Կարիտաս Ինտերնացիոնալիսի՝ ԱՌԿ-ին վերաբերող կարգավորումներին։
- Գործողության խնդիրները
Ծառայություն մատուցող կազմակերպությունը պետք է իրականացնի հետևյալ գործողությունները՝ համապարփակ և համակարգված մոտեցմամբ՝ ընդգրկելով Հայկական Կարիտասի ամբողջ կառույցը։
- Աղետների ռիսկերի կառավարման (ԱՌԿ) պլանի մշակման և վալիդացման իրականացում
- ԱՌԿ պլանի մշակման գործընթացում կազմակերպել ռիսկերի և կարիքների համապարփակ գնահատում՝ հաշվի առնելով շենքային, ենթակառուցվածքային, տեխնիկական, իրավական, մարդուժային գործոնները, ինչպես նաև կառույցների աշխարհագրական տեղակայման առանձնահատկությունները։
- Պլանի նախագծի նախնական տարբերակը ներկայացնել համապատասխան ներգրավված կողմերին՝ կարծիքների և առաջարկությունների հավաքագրման նպատակով՝ ապահովելով պլանի վալիդացիան։
- Ստացված դիտարկումների, առաջարկությունների և ներգրավված կողմերի արձագանքների հիման վրա մշակել և վերջնականացնել ԱՌԿ պլանը՝ ապահովելով դրա ամբողջականությունը, համապարփակությունը և կիրառելիությունը Հայկական Կարիտասի ամբողջ կառույցում։
- Դասընթացներ և կարողությունների զարգացում
- Ծառայություն մատուցող կազմակերպությունը պետք է իրականացնի նպատակային դասընթացների և վերապատրաստումների կազմակերպում՝ կենտրոնանալով ԱՌԿ պլանում սահմանված գործառույթների, պատասխանատվությունների և պարտականությունների հստակեցման վրա՝ ապահովելով դրանց արդյունավետ իրականացումը արտակարգ իրավիճակներում։ Դասընթացների բովանդակությունն ու ձևաչափը հարմարեցվելու են՝ հաշվի առնելով Հայկական Կարիտասի կառույցների աշխարհագրական և գործառնական առանձնահատկությունները՝ նպատակ ունենալով բարձրացնել անձնակազմի պատրաստվածությունն ու գործնական հմտությունները։
- Նախատեսվում է առնվազն 3 դասընթաց-աշխատարան Հայկական Կարիտասի աշխատակիցների համար՝ հետևյալ թեմաների շուրջ՝
- ԱՌԿ պլանի գործառույթներ և պատասխանատվություններ
- Պրակտիկ հմտությունների զարգացում
- Այլ՝ ըստ բացահայտված խնդիրների և ԱՌԿ պլանի անհրաժեշտության։
- Աջակցություն ԱՌԿ պլանի պետական հաստատման և իրականացման ընթացակարգերում
- Ծառայություն մատուցող կազմակերպությունը կաջակցի ԱՌԿ պլանի պետական հաստատման բոլոր անհրաժեշտ փուլերին՝ տրամադրելով տեխնիկական և իրավական աջակցություն, ինչպես նաև մասնակցելու է պլանի արդյունավետ իրականացումը ապահովող գործողությունների պլանավորման և վերահսկման գործընթացներին։
- Ակնկալվող արդյունքներ
| Ակնկալվող արդյունք | Ցուցանիշներ |
| ԱՌԿ պլանի մշակման ընթացքում ռիսկերի, բացերի և կարիքների գնահատում և պլանի վալիդացում | Հաշվետվություն՝ ամբողջ Հայկական Կարիտասի կառույցի համապարփակ գնահատման արդյունքներով՝ ընդգրկելով շենքային, ենթակառուցվածքային, տեխնիկական, իրավական և մարդուժային վերլուծություններ։ Վալիդացման արձանագրություն՝ ներգրավված շահառուների կարծիքներով և առաջարկություններով։ |
| Վերջնականացված ԱՌԿ պլան | Աղետների ռիսկերի կառավարման (ԱՌԿ) պլան՝ մշակված վերլուծությունների, դիտարկումների և առաջարկությունների հիման վրա՝ հարմարեցված և կիրառելի ամբողջ Հայկական Կարիտասի կառուցվածքի համար։ |
| Վավերացված ԱՌԿ պլան (պետական հաստատման գործընթացի ավարտ) | Աղետների ռիսկերի կառավարման (ԱՌԿ) պլանի հաստատման գրավոր արձանագրություն կամ հաստատող մարմնի կողմից տրված իրավական կամ վարչական վավերացում։ |
| Արտակարգ իրավիճակների արձագանքման պլանի իրականացման համար նպատակային դասընթացներ և կարողությունների զարգացում | Առնվազն 3 թեմատիկ դասընթաց-աշխատարան՝ ուղղված ԱՌԿ պլանի գործնական իրագործմանը։ |
- Պահանջներ ծառայություն մատուցող կազմակերպությանը
Լավագույն առաջարկը կընտրվի հանձնաժողովի կողմից՝ հիմնվելով հայտի գնի և որակի համադրության վրա. գնահատման ընդհանուր համակարգում գինը և որակը կկշռվեն հավասարապես՝ 70% գին / 30% որակ հարաբերակցությամբ։
Առաջարկի որակը կգնահատվի ըստ ստորև ներկայացված չափանիշների՝
- ՀՀ օրենսդրությանը համապատասխան գործունեություն ծավալելու իրավասություն (գրանցման վկայական)։
- Մասնագիտական թիմի կրթությունը և ոլորտային փորձը։ Թիմի անդամները պետք է ունենան առնվազն մասնագիտական բարձրագույն կրթություն կամ համարժեք որակավորում։
- Կազմակերպության և թիմի անդամների ԱՌԿ ոլորտի համապատասխան փորձառություն (առնվազն 3 տարվա փորձ)՝ դասընթացների, վերապատրաստումների, աղետների ռիսկերի կառավարման պլանների մշակման ոլորտներում։
- Նախկինում իրականացված առնվազն 3 համանման ծրագիր։
- Խորը ծանոթություն ՀՀ արտակարգ իրավիճակների կառավարման համակարգին, գործող օրենսդրությանը, պետական և տեղական կառավարման մարմինների համապատասխան ընթացակարգերին, ինչպես նաև խոցելի խմբերի կարիքներին։
- Ծախսեր և ֆինանսավորում
Պայմանագիրը լինելու է ֆիքսված արժեքով։ Պայմանագրի արժեքը ներառելու է ՀՀ օրենսդրությամբ սահմանված բոլոր հարկերը, տուրքերը և այլ պարտադիր վճարները։
Վճարումների ժամանակացույց՝
- Առաջին վճարում – 50% (պայմանագրի ստորագրումից հետո)
- Երկրորդ վճարում – 40% (միջանկյալ հաշվետվության հիման վրա)
- Վերջնական վճարում – 10% (եզրափակիչ փաստաթղթերի ներկայացումից հետո)
- Դիմումների ներկայացման ընթացակարգը
«Հայկական Կարիտաս» բարեսիրական հասարակական կազմակերպությունը հրավիրում է հետաքրքրված և որակավորված կազմակերպություններին` մասնակցելու առաջարկների ներկայացման մրցույթին 2025 թվականի հուլիսին մեկնարկող ծառայության իրականացման նպատակով։
Հետաքրքրված կազմակերպությունները պետք է ներկայացնեն ստորագրված և կնքված հայտադիմումները՝ ներառելով ստորև նշված փաստաթղթերը, էլեկտրոնային փոստով ուղարկելով մինչև 13.07.2025թ․, ժամը 23։00 հետևյալ էլ․ հասցեներին՝ v.gasparyan@caritas.am, info@caritas.am։
Առաջարկները պետք է պատրաստվեն համաձայն սույն հրավերին կցված ձևանմուշների։ Դիմումի փաթեթը պետք է ներառի հետևյալ փաստաթղթերը։
- Դիմող կազմակերպության պետական գրանցման վկայականի պատճենը։
- Տեխնիկական առաջարկի նկարագրությունը՝ հայերեն կամ անգլերեն լեզվով (ներառյալ մեթոդաբանությունը, ժամանակացույցը, թիմի կառուցվածքը)։
- Ֆինանսական առաջարկը՝ ըստ պահանջվող ծառայությունների։
- Թիմի անդամների դիպլոմներ, որակավորման վկայականներ, ինչպես նաև ինքնակենսագրականները (CV-ներ)։
Խնդրում ենք հստակ նշել, որ այս հայտը վերաբերում է ԱՌԿ պլանի մշակման, վավերացման և իրագործման ծառայությանը։
Թերի կամ ոչ պատշաճ ձևավորված դիմումները չեն դիտարկվի։
Հայկական Կարիտասը տեղեկացնում է, որ ընտրության առաջին՝ փաստաթղթային փուլն անցած թեկնածուները կհրավիրվեն հարցազրույցի՝ հավելյալ պարզաբանման նպատակով։
2_EA282024_Annex 1_ToR_Application_DRM Component
3_EA282024_EA28-2024_Annex 2_ToR_Financial Offer_DRM Component