Պաշտոնի անվանումը․ Դասընթացավար
Դասընթացի թեմա․ «Ֆասիլիտացիայի տեխնիկաներ»
Տևողությունը․ 6 ժամ (մեկ օրվա ուսուցում)
Մասնակիցներ․ «Հայկական Կարիտաս» ԲՀԿ աշխատակազմ
Նախապատմություն
«Հայկական Կարիտաս» բարեսիրական հասարակական կազմակերպությունը գործունեություն է ծավալում Շիրակի, Լոռու, Գեղարքունիքի, Արարատի, Սյունիքի մարզերում, ինչպես նաև Երեւան քաղաքում: Իր գործունեության երեք տասնամյակների ընթացքում «Հայկական Կարիտասը» շուրջ 125 համայնքում բնակվող հազարավոր մարդկանց կյանքում դրական փոփոխություն է բերել՝ ընդգրկելով նրանց իր կողմից տրամադրվող սոցիալական եւ զարգացման բազմաթիվ նախաձեռնություններում։
«Հայկական Կարիտասի» գործունեության հիմնական ոլորտներն են սոցիալական պաշտպանությունը, խոցելի խմբերի աջակցությունը, համայնքային զարգացումը, առողջապահությունը, արտակարգ իրավիճակներին արձագանքը և միգրացիայի կառավարումը։ Կազմակերպության առաքելությունն է նպաստել սոցիալական արդարությանը, համերաշխությանը և մարդկանց արժանապատիվ կյանքին՝ անկախ կրոնից, սեռից կամ ազգային պատկանելությունից։
Նպատակ
Դասընթացի նպատակն է «Հայկական Կարիտասի» աշխատակիցներին զինել գործնական ֆասիլիտացիոն տեխնիկաներով, որոնք կօգնեն արդյունավետ կազմակերպել մասնակցային հանդիպումներ և ծրագրային միջոցառումներ, խթանել թիմային համագործակցությունը, ապահովել շահառուների ներգրավվածությունը և բարձրացնել կազմակերպության նախաձեռնությունների արդյունավետությունն ու ազդեցությունը։
Ակնկալվող արդյունքներ
Դասընթացի ավարտին մասնակիցները՝
Կունենան հստակ պատկերացում ֆասիլիտատորի դերի և նշանակության մասին տարբեր ձևաչափի և նպատակի հանդիպումների համար․
- Թիմակառուցողական
- Գաղափարների գեներացման
- Խնդիրների մասնակցային լուծման
- Համատեղ գործողությունների պլանավորման
- Առցանց հանդիպումների կազմակերպման ֆասիլիտացիա
Կծանոթանան կիրառական գործիքների, որոնք կօգնեն հանդիպումները, միջոցառումները և թիմային աշխատանքները դարձնել ավելի արդյունավետ։
Կկարողանան իրականացնել ֆասիլիտացիոն սեսիաներ՝ ապահովելով բոլոր մասնակիցների ներգրավվածությունը։
Պահանջվող որակավորումներ
- Բարձրագույն կրթություն կառավարման, հոգեբանության, հասարակական կամ հարակից ոլորտում։
- Առնվազն 3–5 տարվա փորձ՝ ֆասիլիտացիայի, ուսուցման կամ թիմային աշխատանքի կազմակերպման ոլորտում։
- Հմտություններ ինտերակտիվ և մասնակցային մեթոդների կիրառման մեջ։
- Հայերեն լեզվի գերազանց իմացություն։
- Կազմակերպչական և հաղորդակցական բարձր հմտություններ։
Դիմելու կարգ
Հետաքրքրված անձինք կարող են ներկայացնել ամբողջական փաթեթ, որը պետք է ներառի հետևյալ փաստաթղթերը`
- Ինքնակենսագրություն (CV), որը մանրամասն ներկայացնում է համապատասխան փորձը,
- Ուղեկցող նամակ (Cover Letter), որը ներկայացնում է դիմելու մոտիվացիան և թե ինչպես են մասնագիտական հմտությունները և փորձը համապատասխանում ծրագրի նպատակներին
- Դասընթացների և կարողությունների զարգացման պորտֆոլիո
- Ֆինանսական առաջարկ (Financial Proposal)
Բոլոր փաստաթղթերը անհրաժեշտ է ուղարկել հետևյալ էլեկտրոնային հասցեներով՝ a.gevorgyan@caritas.am և info@caritas.am: Դիմումների ընդունման վերջնաժամկետն է՝ 2025 թ․ հոկտեմբերի 15-ը։