Ամսաթիվ: Նոյեմբեր 8, 2023
- «Հայկական Կարիտաս» բարեսիրական ՀԿ-ն հասարակական կազմակերպություն է, որը գործում է Հայաստանում 1995 թվականից և ներկայումս իրականացնում է տարբեր ծրագրեր հետևյալ ոլորտներում՝ uոցիալական պաշտպանություն, երեխաների խնամք, տարեցների խնամք, հաշմանդամություն ունեցող անձանց աջակցություն, համայնքային զարգացում, հանրային առողջապահություն, միգրացիա և վերադարձողների վերաինտեգրում, աղետների ռիսկի կառավարում և մարդասիրական օգնություն:
- Հայկական Կարիտասն իրականացնում է նաև ներառական կրթության բարելավմանը և ներառական հասարակության կայացմանն ուղղված ծրագրեր։
«Նպաստել Հայաստանում բոլորի համար ներառական և համապատասխան որակյալ կրթության կայացմանը» ծրագրի շրջանակում, Հայկական Կարիտասը հայտարարում է ներառական կրթության բնագավառում հետազոտական աշխատանքների մրցույթ՝ նպատական ունենալով խթանել այս ոլորտի հանդեպ հետաքրքրության մեծացմանը ուսանողների շրջանում եւ հետազոտական տվյալների հարստացմանը։
| Նկարագիրը և պայմանները
|
Մրցույթին կարող են մասնակցել Շիրակի մարզի ԲՈՒՀ-երում և քոլեջներում սովորող բոլոր այն ուսանողները, ովքեր հետաքրքրված են թեմայով: Մրցույթի նպատակն է հետազոտել ոլորտում առկա հիմնախնդիրները: Աշխատանքները անհրաժեշտ է ներկայացնել մինչև 2023թ.-ի դեկտեմբերի 1-ը, որից հետո ներկայացված աշխատանքները կուսումնասիրվեն ծրագրային հանձնախմբի կողմից, և լավագույն աշխատանքի հեղինակը կպարգևատրվի խրախուսական մրցանակով: Ակնկալում ենք թեմայով հետաքրքրված ուսանողների ակտիվ մասնակցությունը և հետագա համագործակցությունը: |
Ներկայացման վերջնաժամկետը եւ ներկայացման եղանակը
Բոլոր աշխատանքները պետք է ներկայացվեն ներքևում նշված հասցեով ոչ ուշ քան․
Ամիս/ամսաթիվ՝ Դեկտեմբերի 1, 2023, մինչեւ աշխատանքային օրվա ավարտը
Հասցե՝ Գյումրու Տեխնոլոգիական կենտրոն, 3-րդ հարկ, 309 սենյակ, Շիրակի մարզ, Գյումրի, Գայի 1, Հեռախոս՝ (+374) 91057209
Կամ ուղարկել հետևյալ էլ-հասցեին․ a.hamalbashyan@caritas.am, a.galstyan@caritas.am
Պարզաբանումներ:
Աշխատանքները պետք է համապատասխանեն ուսանողի կրթական հաստատությունում ընդունված հետազոտական աշխատանքի չափորոշիչներին։
Հարցերի դեպքում զանգահարել (+374) 91057209 հեռախոսահամարին