«Հայկական Կարիտաս» բարեսիրական հասարակական կազմակերպության կենտրոնների՝
արտակարգ իրավիճակներին պատրաստվածության բարելավման համար տեխնիկական աջակցություն տրամադրող կազմակերպություն ընտրելու նպատակով
«Կառուցենք կամուրջներ․ Հայաստանում փախստականների և տեղական համայնքների սոցիալ-տնտեսական ինտեգրում և դիմակայունության բարձրացում» ծրագիր
| Ծրագրի անվանումը | Կառուցենք կամուրջներ․ Հայաստանում փախստականների և տեղական համայնքների սոցիալ-տնտեսական ինտեգրում և դիմակայունության բարձրացում |
| Իրականացման վայրը | Հայաստանի Հանրապետություն |
| Դիմումների ներկայացման վերջնաժամկետը | 07․06․2025թ․ 23։00 |
| Սկզբի ամսաթիվը | Հունիս 2025թ․ |
| Պայմանագրի տեսակը | Ծառայության պայմանագիր |
| Ծառայության մատուցման տևողությունը | Հունիս – սեպտեմբեր 2025թ․ |
| Դիմումների համար նախատեսված էլ. փոստ | v.gasparyan@caritas.am; info@caritas.am |
- Ներածություն
2024թ․ հոկտեմբերից Հայկական Կարիտասն իրականացնում է «Կառուցենք կամուրջներ. Հայաստանում փախստականների և տեղական համայնքների սոցիալ-տնտեսական ինտեգրում և դիմակայության բարձրացում» ծրագիրը՝ Կարիտաս կոնֆեդերացիայի անդամ կազմակերպությունների ֆինանսավորմամբ։ Ծրագրի նպատակն է նպաստել Հայաստանում Լեռնային Ղարաբաղից տեղահանված անձանց և տեղական համայնքների սոցիալ-տնտեսական ինտեգրմանն ու դիմակայունության բարձրացմանը՝ ապահովելով արժանապատիվ կյանք և կայուն զարգացում։
- Գործողության նպատակը
Հայկական Կարիտասը գործում է Հայաստանի հինգ մարզում և Երևանում․ ունի 14 գրասենյակ և կենտրոն։
Ծրագրի բաղադրիչներից է աղետների ռիսկերի կառավարման (ԱՌԿ) ուղղությունը, որի շրջանակում նախատեսվում է Հայկական Կարիտասի կարողությունների զարգացումը արտակարգ իրավիճակներին պատրաստավության և արձագանքման ոլորտում։ Մասնավորապես նախատեսվում է ներդնել ԱՌԿ համակարգ կազմակերպության կառուցվածքում գործող հինգ կենտրոնում։
Գործողությունն իրականացվում է Ծրագրի Հատուկ խնդիր 2-ի շրջանակում, այն է՝
«Հայկական Կարիտասն ունի արտակարգ իրավիճակների պատրաստվածության և արձագանքման համար համապատասխան կառուցվածք, ուղեցույցներ և ռեսուրսներ։
Արդյունք 2.1․ Հայկական Կարիտասի անձնակազմը պատրաստ է արձագանքել հնարավոր արտակարգ իրավիճակներին։
Արդյունք 2.2․ Հայկական Կարիտասի գրասենյակները/կենտրոնները պատրաստ են և հարմարեցված արտակարգ իրավիճակներին։
Գործընթացը կիրականացվի սերտ համագործակցությամբ պետական և տեղական ինքնակառավարման մարմինների, ինչպես նաև արտակարգ իրավիճակների կառավարման ոլորտի պատասխանատու հաստատությունների հետ։
- Գործողության շրջանակը
Գործողության շրջանակում ներդրվելու է Աղետների ռիսկերի կառավարման (ԱՌԿ) համակարգ Հայկական Կարիտասի կառուցվածքում գործող հինգ կենտրոնում՝ Գյումրիի Տարեցների ցերեկային հոգածության կենտրոն, «Էմիլի Արեգակ» կենտրոն, ինչպես նաև Վանաձորի, Գավառի և Արտաշատի «Փոքրիկ Իշխան» սոցիալական կենտրոններ։
- Գործողության խնդիրները
Ծառայություն մատուցող կազմակերպությունը յուրաքանչյուր կենտրոնի համար պետք է իրականացնի հետևյալ գործողությունները՝ համապարփակ և համակարգված մոտեցմամբ։
- Որոշված կենտրոնների՝ արտակարգ իրավիճակներին պատրաստավածության գնահատում
Կենտրոնների շենքային պայմանների տեխնիկական, սեյսմիկ և հրդեհային անվտանգության վիճակի ախտորոշում, ռիսկերի և կարիքների գնահատում, հնարավոր վտանգների և կարիքների համակողմանի վերլուծություն՝ հիմնվելով առկա վիճակի, ենթակառուցվածքային, տեխնիկական, իրավական և մարդուժային ցուցանիշների վրա։
- Արտակարգ իրավիճակների ռիսկերի կառավարման (ԱՌԿ) համակարգի մշակում և ներդրում
- ԱՌԿ համակարգում հայտնաբերված բացերի հիման վրա Կենրոնների (շենքերի) տեխնիկական, սեյսմիկ և հրդեհային անվտանգության վիճակի բարելավման առաջարկությունների մշակում` հիմք ընդունելով ՀՀ համապատասխան օրենսդրությունն ու ստանդարտները։
- Արտակարգ իրավիճակների արձագանքման պլանների մշակում՝ ըստ կենտրոնների առանձնահատկությունների:
- Աջակցություն պետական հաստատման ենթակա գործընթացներում:
Ծառայություն մատուցող կազմակերպությունը կաջակցի բոլոր այն փուլերում և գործընթացներում, որոնք պահանջում են պետական հաստատում, տեխնիկական գնահատում կամ իրավական կարգավորում։
- Դասընթացներ և կարողությունների զարգացում
Ծառայություն մատուցող կազմակերպությունը կիրականացնի նպատակային վերապատրաստման և կարողությունների զարգացման միջոցառումներ, որոնք կարող են իրականացվել ընդհանուր կամ առանձին կենտրոններում՝ ըստ դրանց առանձնահատկությունների և կարիքների։
- Նախատեսվում է առնվազն 3 դասընթաց-աշխատարան՝ Հայկական Կարիտասի առնվազն 30 աշխատակցի համար հետևյալ թեմաների շուրջ՝
- Արտակարգ իրավիճակների արձագանքման պլանների իրականացում՝ արտակարգ իրավիճակներում․
- Առաջին օգնություն․
- այլ՝ ըստ բացահայտված խնդիրների և արտակարգ իրավիճակների արձագանքման պլանների անհրաժեշտության։
- Նախատեսվում 2-3 երեք աշխատարան յուրաքանչյուր ընտրված կենտրոնի առնվազն 200 շահառուի համար՝ հանրային իրազեկման և հիմնական հմտությունների ձևավորման նպատակով՝ հետևյալ թեմաների շուրջ՝
- վարքագիծ արտակարգ իրավիճակներում․
- Առաջին օգնություն․
- այլ՝ ըստ բացահայտված խնդիրների և արտակարգ իրավիճակների արձագանքման պլանների պլանների անհրաժեշտության։
Դասընթացների բովանդակությունը կարող է փոփոխվել և հարմարեցվել՝ ելնելով մասնակիցների կարիքներից, ինչպես նաև ծրագրի իրականացման ընթացքում ի հայտ եկող գործնական խնդիրներից կամ ներկայացված առաջարկներից։
- Ակնկալվող արդյունքներ
| Ակնկալվող արդյունք | Ցուցանիշներ |
| ԱՌԿ համակարգի բացերի վերհանում, ռիսկերի և կարիքների գնահատում | Հաշվետվություն՝ 5 կենտրոնի համապարփակ գնահատման արդյունքներով, ներառյալ ենթակառուցվածքային, տեխնիկական, իրավական և մարդուժային վերլուծությունը |
| Տեխնիկական բարելավման առաջարկներ | Բարելավման առաջարկների փաթեթ՝ ներկայացված 5 կենտրոնի շենքերի սեյսմիկ և հրդեհային անվտանգության ախտորոշման հիման վրա |
| Արտակարգ իրավիճակների արձագանքման պլաններ | Անհատական արագ արձագանքման պլաններ՝ 5 կենտրոնի առանձնահատկություններին, կարիքներին և հնարավորություններին համապատասխան |
| Կարողությունների զարգացում | § Առնվազն 3 թեմատիկ դասընթաց-աշխատարան՝ առնվազն 30 աշխատակցի համար
§ Առնվազն 2-3 տիպի աշխատարան յուրաքանչյուր կենտրոնում՝ ընդհանուր առնվազն 200 շահառուի համար |
- Պահանջներ ծառայություն մատուցող կազմակերպությանը
Լավագույն առաջարկը կընտրվի հանձնաժողովի կողմից՝ հիմնվելով հայտի գնի և որակի համադրության վրա. գնահատման ընդհանուր համակարգում գինը և որակը կկշռվեն հավասարապես՝ 50% գին / 50% որակ հարաբերակցությամբ։
Առաջարկի որակը կգնահատվի ըստ ստորև ներկայացված չափանիշների՝
- ՀՀ օրենսդրությանը համապատասխան գործունեություն ծավալելու իրավասություն:
- Մասնագիտական թիմի կրթությունը և ոլորտային փորձը։ Թիմը պարտադիր պետք է ներառի առնվազն մեկ ինժեներ՝ համապատասխան բարձրագույն կրթությամբ և փորձով։ Ընդհանուր առմամբ թիմի անդամները պետք է ունենան առնվազն մասնագիտական բարձրագույն կրթություն կամ համարժեք որակավորում։
- Կազմակերպության և թիմի անդամների ԱՌԿ ոլորտի համապատասխան փորձառություն (առնվազն 3 տարվա փորձ)՝ դասընթացների, վերապատրաստումների, արտակարգ իրավիճակների արձագանքման պլանների և տեխնիկական աուդիտների մշակման ոլորտներում։
- Նախկինում իրականացված առնվազն 3 համանման ծրագիր։
- Խորը ծանոթություն ՀՀ տարածքում արտակարգ իրավիճակների կառավարման համակարգին (շենքերի տեխնիկական անվտանգության չափորոշիչներին, ինչպես նաև շահառու խոցելի խմբերի կարիքներին)։
- Ծախսեր և ֆինանսավորում
Պայմանագիրը լինելու է ֆիքսված արժեքով։
Վճարումների ժամանակացույց՝
- Առաջին վճարում – 50% (պայմանագրի ստորագրումից հետո)
- Երկրորդ վճարում – 40% (միջանկյալ հաշվետվության հիման վրա)
- Վերջնական վճարում – 10% (եզրափակիչ փաստաթղթերի ներկայացումից հետո)
- Դիմումների ներկայացման ընթացակարգը
«Հայկական Կարիտաս» բարեսիրական հասարակական կազմակերպությունը հրավիրում է հետաքրքրված և որակավորված կազմակերպություններին` մասնակցելու առաջարկների ներկայացման մրցույթին 2025 թվականի հունիսին մեկնարկող ծառայության իրականացման նպատակով։
Հետաքրքրված կազմակերպությունները պետք է ներկայացնեն ստորագրված և կնքված հայտադիմումները՝ ներառելով ստորև նշված փաստաթղթերը, էլեկտրոնային փոստով ուղարկելով մինչև 07.06.2025թ․, ժ. 23։00 հետևյալ էլ․ հասցեներին՝ v.gasparyan@caritas.am, info@caritas.am։
Առաջարկները պետք է պատրաստվեն համաձայն սույն հրավերին կցված ձևանմուշների։ Դիմումի փաթեթը պետք է ներառի հետևյալ փաստաթղթերը։
- Դիմող կազմակերպության պետական գրանցման վկայականի պատճենը։
- Տեխնիկական առաջարկի նկարագրությունը՝ հայերեն կամ անգլերեն լեզվով (ներառյալ մեթոդաբանությունը, ժամանակացույցը, թիմի կառուցվածքը)։
- Ֆինանսական առաջարկը՝ ըստ պահանջվող ծառայությունների։
- Թիմի անդամների՝ հատկապես ինժեներների և ԱՌԿ ոլորտի փորձագետների դիպլոմներ, որակավորման վկայականներ, ինչպես նաև ինքնակենսագրականները (CV-ներ)։
Խնդրում ենք հստակ նշել, որ այս հայտը վերաբերում է ԱՌԿ համակարգի ներդրման ծառայությանը։
Թերի կամ ոչ պատշաճ ձևավորված դիմումները չեն դիտարկվի։
Հայկական Կարիտասը տեղեկացնում է, որ ընտրության առաջին՝ փաստաթղթային փուլն անցած թեկնածուները կհրավիրվեն հարցազրույցի՝ հավելյալ պարզաբանման նպատակով։