«Հայկական Կարիտաս» ԲՀԿ-ն աշխատանքի է հրավիրում բուժքրոջ «Տնային խնամք» ծրագրում վճարովի ծառայություն մատուցելու համար:
Վայրը՝ ք. Գյումրի
Տևողությունը՝ 1 տարի, 1 ամիս փորձաշրջանով
Ներածություն
«Հայկական Կարիտաս» ԲՀԿ-ն հիմնվել է 1995 թ.-ին Հայ Կաթողիկե Եկեղեցու կողմից՝ Կաթոլիկ օգնության ծառայության լայնածավալ աջակցությամբ:
«Հայկական Կարիտասը», ունենալով բարեգործական ՀԿ-ի կարգավիճակ, կենտրոնացնում է իր ջանքերը առավել խոցելի սոցիալական խմբերի պաշտպանության, խնամքի եւ ներառման, առաջնային առողջության պահպանման, համայնքահեն զարգացման ծրագրերի, հայրենիք վերադարձողների կայուն վերաինտեգրման միջոցառումների, մարդասիրական ու զարգացման գործողությունների իրականցմանը:
«Հայկական Կարիտասը» ծրագրեր է իրականացնում 7 ռազմավարական ուղղությամբ՝ երեխաների սոցիալական պաշտպանություն, հաշմանդամություն ունեցող անձանց սոցիալական ներառում, տարեցների սոցիալական ներառում և խնամք, համայնքային զարգացում, միգրացիա և ինտեգրում, աղետների ռիսկի նվազեցում և արձագանք արտակարգ իրավիճակներին և կազմակերպական զարգացում։
Բուժքրոջ պարտականություններն են՝
- «Հայկական Կարիտասի» Տնային խնամքի վճարովի ծառայությունների մատուցման տրամադրման մոդելի ուսումնասիրություն՝ տեսական նյութը սերտելու եւ առաջարկվող վերապատրաստումներին մասնակելու միջոցով:
- Գործնական հմտությունների ձեռքբերերում/հղկում՝ ծրագրում ներառված շահառուներին ծառայությունների մատուցման միջոցով:
Պահանջվող որակավորում և հմտություններ՝
- Բուժքրոջ միջին մասնագիտական կրթություն,
- Կարճաժամկետ վերապատրաստումների մասնակցություն՝ տարբեր հարակից ոլորտներում,
- Հայերեն լեզվի գրագիտություն,
- Բարեխիղճ վերաբերմունք, կարեկցանքի դրսեւորում և օգնելու պատրաստակամություն,
- Անձնական պատասխանատվության բարձր զգացում,
- Համակարգչային գիտելիքներ,
- Աշխատանքային փորձառությունը եւ օտար լեզուների իմացությունը կդիտվեն որպես առավելություն:
«Հայկական Կարիտասի» Ապահով հավաքագրման և ընտրության քաղաքականության համաձայն բոլոր ընտրված թեկնածուները պարտավորվում են ներկայացնել «Չդատվածության մասին» տեղեկանք ոստիկանության բաժանմունքից, ինչպես նաև երեք երաշխավոր անձանց կոնտակտային տվյալներ՝ նշելով կապը տվյալ անձանց հետ: Բացառապես բոլոր աշխատակիցները պարտավորվում են հետևել «Հայկական Կարիտասի» Վարվեցողության կանոններին, որին կարող եք ծանոթանալ հայտարարությանը կից:
Դիմելու ընթացակարգ
Աշխատանքի համար կարող են դիմել միայն համապատասխան կրթությամբ մասնագետներ՝ ինքնակենսագրություն և հետաքրքրության նամակ ուղարկելով՝ n.aghasaryan@caritas.am և amalya.tumasyan@caritas.am էլ. հասցեներին մինչև 2023թ․-ի հունվարի 8-ը՝ վերնագրում նշելով՝ «Բուժքույր-վճարովի ծառայության համար»:
Միայն հայտարարության պահանջներին համապատասխանող թեկնածուները կհրավիրվեն հարցազրույցի:
Հիմնական պարտականություններ՝
- Սոցիալական աջակցության միջոցով նպաստել շահառուների կյանքի որակի և կենսագործունեության բարելավմանը, աջակցել շահառուների առօրյա հոգսերի թեթևացմանը և ինքնասպասարկման պահպանմանը։
- Մատուցել խնամքի ծառայություններ շահառուների տանը։ Կատարել գրառումներ շահառուի անհատական գործում:
- Ժամանակին կատարել տնային այցելությունները՝ ըստ ծրագրի համակարգողի/սոցիալական աշխատողի կողմից ներկայացրած գրաֆիկի,
- Անհրաժեշտության դեպքում (շահառուի վիճակից կախված) կատարել նաև լրացուցիչ այցեր՝ տեղեկացնելով այդ մասին ծրագրի համակարգողին։
- Հետևել շահառուի բնակության վայրի մաքրությանը, անձնական հիգիենայի պահպանմանը, իրականացնել լոգանքի կազմակերպում, անհրաժեշտության դեպքում` մարմնի թաց սրբում, եղունգների կտրում, իսկ անկողնային հիվանդ շահառուների անկողնային հիգիենայի ապահովում՝ տակդիրների փոխում։
- Կատարել գնումներ շահառուի անձնական միջոցներից, իրականացնել կոմունալ վարձավճարների մուծումներ և այլ ծառայություններ՝ ըստ անհրաժեշտության, ինչպես նաև պատրաստել կերակուր և ինքնասպասակման սակավ հմտություններ ունեցող շահառուներին՝ նաև կերակրել:
- Ուղեկցել շահառուին զբոսանքի, կազմակերպել ժամանցի տեսակներ:
- Աշխատանքային գործուներության ընթացքի վերաբերյալ տեղեկատվություն տրամադրել համակարգողին/սոցիալական աշխատողին։
- Մասնակցել կազմակերպության կողմից անցկացվող ժողովներին և դասընթացներին։
- Տեղեկացված լինել և կիրառել Հայկական Կարիտասի կանոնակարգերը, ընթացակարգերը, քաղաքականությունները։
Անհրաժեշտ որակավորումներ
- Միջին մասնագիտական կրթություն,
- Տարեցների հետ աշխատանքի առնվազն 1 տարվա փորձ,
- Թիմի հետ արդյունավետ հաղորդակցվելու և աշխատելու պատրաստակամություն և ունակություն, նախաձեռնողականություն,
- Անձնական պատասխանատվության բարձր զգացում,
- Բարդ իրավիճակներում կողմնորոշվելու և որոշումներ կայացնելու կարողություն,
- Բուժքույրական կրթությունը կդիտվի որպես առավելություն։