Պաշտոնի անվանում՝  Ինժեներ

Բաժին՝ Ծրագրային թիմ

Տևողություն՝ Ապրիլ 2025 – Դեկտեմբեր 2026

Զբաղվածություն՝ 100%

Հաշվետու Է՝ «Հայկական Կարիտաս» ԲՀԿ-ի ծրագրի ղեկավարին

Տեղակայում՝ Երևան, Հայաստան (հաճախակի ճամփորդություններով դեպի Արտաշատ)

Վերահսկող պարտականություններ՝ չկա

 

ՀԱՅԿԱԿԱՆ ԿԱՐԻՏԱՍԻ ՄԱՍԻՆ

«Հայկական Կարիտաս» բարեսիրական հասարակական կազմակերպությունը հիմնադրվել է 1995 թվականին։ Այն կենտրոնացնում է իր ջանքերն առավել խոցելի սոցիալական խմբերի պաշտպանության, խնամքի և ներառման, առաջնային առողջության պահպանման, համայնքահեն զարգացման ծրագրերի, Հայրենիք վերադարձող ՀՀ քաղաքացի միգրանտների վերաինտեգրման, տեղահանված անձանց կայուն ինտեգրման միջոցառումների, մարդասիրական ու զարգացման գործողությունների իրականացման շուրջ: Հայկական Կարիտասն անմիջական աջակցություն է ցուցաբերում հազարավոր ընտանիքների Հայաստանի 5 մարզում՝ Շիրակ, Լոռի, Գեղարքունիք, Արարատ, Սյունիք, և Երևանում:

Հայկական Կարիտասի առաքելությունն է՝ «Սիրով ու սրտացավությամբ ծառայել տարբեր խոցելի խմբերի` հարգելով յուրաքանչյուրի արժանապատվությունը»։ Կազմակերպության տեսլականն է՝ լինել հզոր և կարևոր դերակատար Հայաստանի Հանրապետությունում՝ սոցիալական արդարության և սոցիալական պաշտպանության հարցում:

 

ԾՐԱԳՐԻ ՆԿԱՐԱԳՐՈՒԹՅՈՒՆ

2023 թվականի սեպտեմբերին Լեռնային Ղարաբաղի բռնի տեղահանումից ի վեր ավելի քան 115,000 տեղահանված անձ ժամանել է Հայաստան, որի հետևանքով առաջացել է բնակարանային ապահովման խնդիր, որին նախկինում արդեն իսկ բախվել էր ավելի քան 230 000 ՀՀ քաղաքացի, 36,000 այլ փախստական, ապաստան հայցող և քաղաքացիություն չունեցող անձ։

Խնդրին արձագանքելու նպատակով մեկնարկեց Հայաստանում ոչ առևտրային սոցիալական բնակարանային ապահովման պիլոտային ծրագիրը՝ «Հայկական Կարիտաս» բարեսիրական հասարակական կազմակերպության, «Կաթոլիկ օգնության ծառայությունների» (CRS), Հայաստանի Հանրապետության աշխատանքի և սոցիալական հարցերի նախարարության (ՀՀ ԱՍՀՆ) և «Առաքելություն Հայաստան» հասարակական կազմակերպության համագործակցությամբ։

Այս ծրագիրը նպատակ ունի փորձարկելու ոչ առևտրային սոցիալական բնակարանային ապահովման մատչելի վարձակալության մոդելը, որը հիմնված է Վիեննայի հայտնի փորձի վրա, որը CRS-ը տեղայնացրել է Բոսնիա և Հերցեգովինայի (ԲՀ) համատեքստում և աջակցել ԲՀ կառավարությանը՝ իրականացնելու որպես կայուն լուծում ավելի քան 3,000 անտուն մնացած ներքին տեղահանված և տեղացի խոցելի ընտանիքների համար։

Ծրագրի շրջանակներում Հայկական Կարիտասի և գործընկերների համատեղ ջանքերով ձևավորվելու են անհրաժեշտ իրավական հիմքերն ու շրջանակը, մշակվելու են տեխնիկական չափորոշիչները, պահպանման ու կառավարման կարգերը՝ Հայաստանում պիլոտային ծրագրի մոդելի ստեղծման համար, ներառյալ պետական ​​սեփականություն հանդիսացող, չշահագործվող շենքի վերակառուցումը (նախատեսված է 2025թ. օգոստոս – 2026թ. հուլիս) Արտաշատում։

Հայկական Կարիտասը պատասխանատու է լինելու ոչ առևտրային սոցիալական բնակարանային ապահովման ծրագրի շրջանակում վերապրոֆիլավորման համար հատկացված շենքի վերակառուցման նախագծման, բուն վերակառուցման և վերահսկման աշխատանքների կազմակերպման, ինչպես նաև վարձակալների բնակեցման և սոցիալ-տնտեսական ինտեգրման համար։

 

ԱՇԽԱՏԱՆՔԻ ՆԿԱՐԱԳՐՈՒԹՅՈՒՆ

Ծրագրի աշխատակից ինժեները Հայկական Կարիտասի ծրագրի ղեկավարի վերահսկողության ներքո և CRS-ի (Բալկաններ/Եվրոպա) ծրագրի ղեկավարի ու տեխնիկական խորհրդատուի հետ սերտ համագործակցությամբ մասնակցելու է պիլոտային վերակառուցման ծրագրի իրականացմանը, որը կտրամադրի երկարաժամկետ մատչելի բնակարաններ խոցելի անձանց համար։ Ծրագրի ինժեները հսկելու է նախագծման և շինարարական պայմանագրերը, վերահսկելու և գնահատելու նախագծման և շինարարական աշխատանքների առաջընթացը և հետևելու ծախսերին: Ծրագրի շրջանակում նախատեսվում են հաճախակի մարզային այցելություններ (50%), մասնավորապես Երևան և Արտաշատ համայնքների միջև։

Տևողություն՝ ապրիլ 2025 – դեկտեմբեր 2026։

 

ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐԸ

• Մասնակցել վերակառուցման ծրագրի փաստաթղթերի մշակմանը, որոնք կսահմանեն իրականացման ընթացակարգերը։
• Համագործակցել ընտրված ընկերության/ընկերությունների հետ շենքի վերակառուցման նախագծման փուլում՝ ապահովելու նախագծի որակն ու համապատասխանությունը ծրագրի պահանջներին։
• Հսկել Արտաշատի հասարակական շենքի վերակառուցման շինարարական աշխատանքների տեխնիկական փաստաթղթերի պատրաստումը, կապալառուների ընտրությունը և մրցույթների անցկացումը:
• Հսկել և մասնակցել շինարարական աշխատանքների առաջընթացի պարբերական մոնիտորինգին՝ համաձայն աշխատանքների շրջանակի, շինարարական ստանդարտների և պայմանագրով սահմանված պայմանների:
• Համոզվել, որ բոլոր գործողությունները համապատասխանում են օրենսդրական և տեխնիկական կանոնակարգերին՝ պետական մարմինների հետ կապ հաստատելով և օրենսդրական փաստաթղթերն ուսումնասիրելով:
• Վերահսկել և մասնակցել կապալառուների կողմից ներկայացված գնահատումների ստուգմանը և պայմանագրերի փաստաթղթերի պատրաստմանը։
• Անհրաժեշտության դեպքում, համաձայն անհատական ծրագրի պայմանների, աջակցել աշխատանքների համակարգմանը, նյութերի և սարքավորումների մատակարարմանը և առաքմանը:
• Աշխատել համապատասխան նախարարությունների և գերատեսչությունների ներկայացուցիչների հետ՝ վերակառուցման աշխատանքների պատշաճ իրականացումն ապահովելու համար:
• Տրամադրել ընթացիկ աշխատանքների կարգավիճակի հաշվետվություններ/զեկույցներ՝ ըստ պահանջի։
• Անհրաժեշտության դեպքում խորհուրդ տալ և աջակցել ծրագրի այլ պատասխանատուներին և տեղական համայնքի աշխատակիցներին։
• CRS ծրագրի ղեկավարի հսկողության ներքո ներկայացնել CRS-ի ծրագիրը տեղական ինքնակառավարման մարմիններին, գործընկերներին և այլ շահագրգիռ կողմերին:
• Մասնակցել ծրագրի առաջարկների մշակմանը։
• Կապ հաստատել շահառուների, տեղական համայնքների ներկայացուցիչների, ինչպես նաև իշխանությունների հետ և անհրաժեշտության դեպքում մասնակցել համայնքային և այլ հանդիպումներին:
• Պարբերաբար մասնակցել աշխատանքային խմբերի հանդիպումներին և նպաստել ծրագրի իրականացմանը, արտադրանքի և նոր ծրագրային գաղափարների բարելավմանը:
• Կիսել ծրագրի հետ առնչություն ունեցող գաղափարներ և համապատասխան տեղեկատվություն Կարիտասի և CRS ծրագրի ղեկավարների հետ՝ լավ նախագծային առաջարկներ ուսումնասիրելու և մշակելու համար:
• Անհրաժեշտության դեպքում պատրաստել թարգմանություններ։

 

ԱՆՀՐԱԺԵՇՏ ՈՐԱԿԱՎՈՐՈՒՄՆԵՐ

• Բարձրագույն կրթություն (ճարտարապետաշինարարական)։
• Միջազգային դոնորների ֆինանսավորմամբ՝ կացարանների և/կամ ենթակառուցվածքների (կամ հանրային օգտագործման համար նախատեսված այլ շինությունների) կառուցապատման ծրագրերի իրականացման փորձը ցանկալի է (CRS-ը կնախընտրի ավելի երկար փորձ ունեցողներին)։
• Հասարակական ոլորտում աշխատանքային փորձը ցանկալի է։
• Ծրագրի շահառուների, մատակարարների և գործընկերների հետ արդյունավետ կապ հաստատելու կարողություն։
• Անգլերենի լավ իմացություն։
• Համակարգչային գիտելիքների իմացություն։
• Վարորդական իրավունք. B կարգը պարտադիր է։

 

Պահանջվող լեզուներ

• Հայերեն
• Անգլերեն

Ճամփորդություն

• Հաճախակի ճամփորդելու պատրաստակամություն (50%)

Գիտելիքներ, հմտություններ և կարողություններ 

• Լավ պլանավորման և համակարգման հմտություններ, խնդիրներին, գործողություններին արդյունավետորեն առաջնահերթություն տալու կարողություն։
• Վերլուծական հմտություններ՝ անկախ դատողության և որոշումներ կայացնելու ունակությամբ։
• Նախաձեռնողականություն, արդյունքահեն մոտեցում և շահառուների կարիքները հաշվի առնելու ունակություն։
• Մասնագիտական ​​և աշխատանքային էթիկայի կանոններին համապատասխան վարքագիծ։
• Արդյունավետ բանակցային, հաղորդակցման և հարաբերությունների կառավարման հմտություններ։

ՆԱԽԸՆՏՐԵԼԻ ՈՐԱԿԱՎՈՐՈՒՄՆԵՐ

• Մասնագիտական վերապատրաստումների առկայությունը կդիտարկվի որպես առավելություն։
• MS Office (Excel, Word, Power Point)՝ պարտադիր, տվյալների բազայի կառավարման համակարգերի (օրինակ՝ MS Access) փորձը՝ ցանկալի:

Հիմնական աշխատանքային հարաբերություններ (Հայկական Կարիտասի ներսում) 

• Ծրագրի ղեկավար
• Գնումների պատասխանատու
• Թիմի ղեկավար

Արտաքին (CRS և ՀՀ ԱՍՀՆ)

• CRS ծրագրի ղեկավար
• CRS TA – Ճարտարագիտական ​​և սոցիալական բնակարանային օրենսդրություն
• Ոչ առևտրային սոցիալական բնակարանային աշխատանքային խումբ

 

Դիմելու ընթացակարգ

Հայկական Կարիտասը հրավիրում է համապատասխան կրթություն և որակավորումներ ունեցող անձանց մասնակցելու բաց մրցույթին՝ ուղարկելով ինքնակենսագրությունը (CV) hr@caritas.am և d.mosoyan@caritas.am էլեկտրոնային հասցեներին մինչև 2025թվականի մարտի 31-ը՝ վերնագրում նշելով՝ «Ինժեներ ոչ առևտրային սոցիալական բնակարանային ապահովման ծրագրի համար»:

 

Տեղեկացնում ենք, որ միայն հայտարարության պահանջներին համապատասխանող

թեկնածուները կհրավիրվեն հարցազրույցի: