«Հայկական Կարիտաս» բարեսիրական հասարակական կազմակերպությունը հրավիրում է իր ծրագրերում եւ Կենտրոններում կամավորական հիմունքով աշխատելու ցանկություն ունեցող անձանց մասնակցելու տեղեկատվական հանդիպմանը, որը տեղի կունենա սույն թվականի հոկտեմբերի 6-ին՝ ժամը 14:30-ին, Գյումրու Երիտասարդական պալատում (ք․ Գյումրի, Աբովյան փ, 133/3շ): Կարդալ ավելին… >>
«Հայկական Կարիտաս» բարեսիրական հասարակական կազմակերպությունը հրավիրում է իր ծրագրերում եւ Կենտրոններում կամավորական հիմունքով աշխատելու ցանկություն ունեցող անձանց մասնակցելու տեղեկատվական հանդիպմանը, որը տեղի կունենա սույն թվականի հոկտեմբերի 6-ին՝ ժամը 14:30-ին, Գյումրու Երիտասարդական պալատում (ք․ Գյումրի, Աբովյան փ, 133/3շ):
Հանդիպման ընթացքում մասնակիցներին կներկայացվեն կազմակերպության ընթացիկ ծրագրերն ու Կենտրոնները եւ դրանցում ներգրավվելու հնարավորությունները:
Հանդիպումից հետո՝ հաջորդ օրը, հոկտեմբերի 7-ին, «Հայկական Կարիտաս»-ի Գյումրու բոլոր Կենտրոններում լինելու է Բաց դռների օր, որի ժամանակ Կենտրոնները ժամը 11:00-16:00 բաց են լինելու բոլոր այցելուների առաջ: Յուրաքանչյուր Կենտրոնի կամավոր այցելուներին կներկայացնի այնտեղ տարվող գործունեությունը եւ կպատասխանի հարցերին: Կենտրոնների հասցեները կտրվեն տեղեկատվական հանդիպման ժամանակ։
Նշեք այս օրերը ձեր օրացույցում եւ իմացեք ավելին «Հայկական Կարիտաս»-ի գործունեության մասին: