Ծրագրի տևողությունը` 01.11.2019- 31.12.2024 (երկարացված ժամկետով)
Ծրագրի իրականացման վայրը` Շիրակի և Լոռու մարզեր
Ծրագրի թիրախ խմբերը
Ծրագրի գլխավոր թիրախային խումբը Հայկական Կարիտասի ընթացիկ ծրագրերի շահառուներն են․
- միայնակ տարեցներ,
- առանց ծնողական խնամքի մնացած երեխաներ,
- առողջական խնդիրներ ունեցող սոցիալապես անապահով անձիք,
- ծանր իրավիճակներում հայտնված երեխաներ և դեռահասներ,
- չգազաֆիկացված համայնքների բնակիչներ:
Ծրագրի նպատակը
Ծրագրիի նպատակն է կրճատել ածխածնային արտանետումները Շիրակի և Լոռու մարզերում՝ արևային էներգիայի կիրառման և էներգաարդյունավետությանն ուղղված համապարփակ միջոցառումների միջոցով:
Ծրագրի հիմնական գործողությունները
- Ֆոտովոլտային համակարգերի տեղադրում և էներգաարդյունավետության բարձրացմանն ուղղված միջոցառումների ձեռնարկում Հայկական Կարիտասի թվով 3 սոցիալական կենտրոններում.
- Տարեցների ցերեկային խնամքի կենտրոն Գյումրիում,
- Առողջության առաջնային պահպանման կենտրոն Գյումրիում,
- «Սաբինե» փոքր խմբով երեխաների խնամքի տուն Վանաձորում։
- Շիրակի և Լոռու մարզերի թվով չորս ոչ գազաֆիկացված համայնքներում ֆոտովոլտային համակարգերի տեղադրում և էներգաարդյունավետության բարձրացման ուղղված միջոցառումների իրականացում։
- Վանաձորի «Փոքրիկ Իշխան» երեխաների ցերեկային խնամքի սոցիալական կենտրոն հաճախող թվով 20 երեխայի համար էներգաարդյունավետությանը և էներգախնայողությանը վերաբերող տեսական և գործնական դասընթացների անցկացում:
Ծրագրի արդյունքները
Նախապես ընտրված թիրախ համայնքներում և սոցիալական կենտրոններում կտեղադրվեն վերականգնվող էներգիայի աղբյուրներ՝ ֆոտովոլտային արևային վահանակների տեսքով: Բացի այդ, միջոցներ կձեռնարկվեն ուղղված ջեռուցման կորստի նվազեցմանը և էներգասպառման արդյունավետության բարձրացմանը:
Ծրագրի ղեկավար Արմեն Մարտիրոսյան
Ծրագրի ֆինանսավորող Կարիտաս Գերմանիա
Ծրագրի բյուջեն 89,999 եվրո