«Հայկական Կարիտաս» բարեսիրական հասարակական կազմակերպությունը գործում է Հայաստանում 1995 թվականից և իրականացնում է ծրագրեր սոցիալական պաշտպանության, երեխաների և տարեցների խնամքի, հաշմանդամություն ունեցող անձանց աջակցության, համայնքային զարգացման, հանրային առողջապահության, միգրացիայի և վերադարձողների վերաինտեգրման, աղետների ռիսկի կառավարման և մարդասիրական օգնության ոլորտներում։
2026 թվականի փետրվարի 1-ից «Հայկական Կարիտաս»-ն իրականացնում է «Կանանց և երեխաների ռեսուրս կենտրոն Վարդենիսում․ Դիմակայուն ապագայի կերտում» ծրագիրը։
Ծրագրի իրականացման ժամկետը՝ 01.02.2026 – 31.01.2028
Ծրագրի իրականացման վայրը՝ ՀՀ, Գեղարքունիքի մարզ, Վարդենիս համայնք։
Շահառուները
- 60 կին (տեղացի և տեղահանված խոցելի խմբերից),
- 80 երեխա (6–14 տարեկան),
- 70 դեռահաս և երիտասարդ (13–19 տարեկան)։
Ծրագրի նպատակը
Վարդենիս համայնքում բնակվող խոցելի կանանց, երեխաների և երիտասարդների հզորացումը՝ նրանց հուզական և սոցիալ-տնտեսական կայունության ամրապնդման, ինչպես նաև հաղթահարման և դիմակայունության հմտությունների զարգացման միջոցով։
Մրցույթի առարկան
Ծրագրի շրջանակում հայտարարվում է գնանշման հարցում՝ գրենական և դպրոցական պարագաների մատակարարման համար՝ Վարդենիս համայնքի երեխաների դպրոցական պարագաների կարիքները բավարարելու նպատակով։
Ընտրված մատակարարի պարտականությունները
Ընտրված մատակարարը պատասխանատու կլինի՝
- գրենական և դպրոցական անհրաժեշտ պարագաների մատակարարման համար՝ համաձայն տեխնիկական բնութագրի,
- որակյալ և սահմանված չափանիշներին համապատասխան ապրանքների ապահովման համար,
- ապրանքների ամբողջական և ժամանակին մատակարարման համար՝ ծրագրի կողմից սահմանված ժամկետներում։
Մատակարարին ներկայացվող պահանջները
Մատակարարը պետք է՝
- ունենա հասարակական կազմակերպությունների և/կամ միջազգային կազմակերպությունների հետ համագործակցության փորձ,
- առաջարկի որակյալ և սահմանված չափորոշիչներին համապատասխան ապրանքներ,
- պատրաստ լինի արդյունավետ համագործակցել ծրագրի թիմի հետ՝ ապահովելով մատակարարման գործընթացի պատշաճ իրականացումը և շահառուների բավարարվածությունը։
Գնանշման ներկայացման կարգը
Ստորագրված և կնիքված գնային առաջարկները պետք է ներկայացվեն սքանավորված տարբերակով հետևյալ էլեկտրոնային հասցեին՝ procurement@caritas.am մինչև 17․08․2026 թ., ժամը 18:00։
Ցուցումներ մատակարարներին
- Բոլոր գները պետք է ներկայացվեն ՀՀ դրամով։
- Գնային առաջարկին կից անհրաժեշտ է ներկայացնել լրացված Հավելված 1-ը և Հավելված 2-ը։
- Առաջարկները պետք է լինեն ստորագրված և, իրավաբանական անձանց դեպքում, կնիքված (առկայության դեպքում)։
