Տևողություն՝ հունվարի 29-ից մինչ ապրիլ 30, 2024թ․
Աշխատանքի վայրը՝ Վանաձոր, Գյումրի
Զբաղվածությունը՝ լրիվ դրույք
Դիմելու վերջնաժամկետը՝ հունվարի 25
Ծրագրի նպատակն է ստեղծել ինտեգրված բնապահպանական կրթական կենտրոն «Փոքրիկ իշխան» ցերեկային խնամքի կենտրոնների տարածքում՝ նպաստելով շրջակա միջավայրի պահմապանման գիտակցման բարձրացումը վաղ տարիքից: Այս ուսումնական կենտրոնը կմշակի և կիրականացնի տարիքին համապատասխան կրթական ծրագրեր և նյութեր՝ երեխաների շրջանում բնապահպանական իրազեկումը բարձրացնելու համար: Այն կներառի ինտերակտիվ նիստեր, սեմինարներ, էքսկուրսիաներ՝ ուղղված շրջակա միջավայրի պահպանությանը և թափոնների կառավարմանը:
Աշխատանքային պարտականություններ․
- Մշակել համապատասխան կրթական նյութեր՝ ուղղված շրջակա միջավայրի պաշտպանությանը, պահպանմանը և կայունությանը
- Հարմարեցնել կրթական մեթոդները երեխաների տարբեր տարիքային խմբերին
- Իրականացնել կրթական հանդիպումներ, սեմինարներ և ինտերակտիվ քննարկումներ երեխաների համար տարբեր միջավայրերում՝ դպրոցներում, համայնքային կենտրոններում և բացօթյա տարածքներում
- Իրականացնել գործնական բնապահպանական աշխատանքներ և շրջայցեր
- Կազմակերպել և վարել դաշտային էքսկուրսիաներ բնական միջավայրեր, զբոսայգիներ և բնապահպանական վայրեր՝ բնության հետ կապը խթանելու համար
- Մշակել և իրականացնել բացօթյա միջոցառումներ՝ շաբաթօրյակներ, ծառատունկեր, վերամշակման ծրագրերը, որոնք նպաստում են բնապահպանական իրազեկմանը և էկոհամակարգերի նկատմամբ հարգանքի ձևավորմանը
- Հաստատել համագործակցություն դպրոցների, համայնքային կազմակերպությունների և բնապահպանական գործակալությունների հետ կրթական ծրագրերի հասանելիությունն ընդլայնելու համար և իրականացնել համատեղ միջոցառումներ
- Համագործակցել մանկավարժների, ծնողների և համայնքի շահագրգիռ կողմերի հետ աջակցող և համախմբված կրթական միջավայր ստեղծելու համար
- Դիտարկել և գնահատել երեխաների անհատական առաջընթացը, անհրաժեշտության դեպքում տրամադրելով հետադարձ կապ և աջակցություն:
Պահանջվող որակավորումներ և հմտություններ․
- Բարձրագույն կրթություն բնապահպանության, կենսաբանության կամ հարակից մասնագիտության ոլորտում
- Բնապահպանական խնդիրների և կայունության պրակտիկայի լավ իմացություն
- Աշխատանքային փորձ բնապահպանական կրթության կամ հարակից ոլորտում
- Բացօթյա արշավներ, քայլարշավներ, էքսկուրսիաներ կազմակերպելու և իրականացնելու փորձ
- Հաղորդակցման գերազանց հմտություններ
- Երեխաներին ուսումնական գործընթացում ոգեշնչելու և ներգրավելու ունակություն
- Ճկունություն և հարմարվողականություն՝ տարբեր միջավայրերում և տարիքային տարբեր խմբերի հետ աշխատելու համար
«Հայկական Կարիտաս»-ի Ապահով հավաքագրման և ընտրության քաղաքականության համաձայն ընտրված թեկնածուն պարտավորվում է ներկայացնել «Չդատվածության մասին» տեղեկանք ոստիկանության բաժանմունքից, ինչպես նաև երեք երաշխավոր անձանց կոնտակտային տվյալներ՝ նշելով կապը տվյալ անձանց հետ: Բացառապես բոլոր աշխատակիցները պարտավորվում են հետևել «Հայկական Կարիտաս»-ի Վարվեցողության կանոններին, որին կարող եք ծանոթանալ այստեղ:
Դիմելու գործընթաց
Աշխատանքի համար կարող են դիմել միայն համապատասխան կրթությամբ մասնագետները՝ ինքնակենսագրություն և հետաքրքրության նամակ ուղարկելով հետևյալ հղումով https://caritas.raiser.global/#/vacancies/5
Միայն ընտրության առաջին փուլն անցած թեկնածուները կհրավիրվեն հարցազրույցի:
Կազմակերպության մասին
«Հայկական Կարիտաս» ԲՀԿ-ն հիմնվել է 1995 թ.-ին Հայ Կաթողիկե Եկեղեցու կողմից՝ Կաթոլիկ օգնության ծառայության լայնածավալ աջակցությամբ:
«Հայկական Կարիտաս»-ը ծրագրեր է իրականացնում է 4 ռազմավարական ուղղությամբ՝ սոցիալական պաշտպանություն, համայնքի համաչափ զարգացում, միգրացիա և ինտեգրում, դիմակայունություն արտակարգ իրավիճակների նկատմամբ։