Աջակցություն 2016թ. ապրիլի ԼՂ հակամարտության սրացման պատճառով տուժած բնակչությանը
Ծրագրի տեւողությունը` 01.06.2016 – 31.07.2016թթ.
Շահառուների թիվը` 182 ընտանիքներ (374 անձ)
Վայրը` ԼՂՀ՝ Մարտակերտ
Նպատակը`
Լեռնային Ղարաբաղի ներքին տեղահանված բնակչությունը եւ հակամարտությունից տուժած ընտանիքները հնարավորություն ունեն ապրել արժանապատիվ կյանքով` իրենց ժամանակավոր բնակության վայրերում:
Գործունեությունը`
Հիմնվելով կարիքների գնահատման զեկույցի վրա, որն անցկացվել էր 2016թ. մայիսին ԼՂՀ-ում եւ ՀՀ-ում, Կաթողիկե օգնության ծառայություններ (ԿՕԾ)-ը ֆոնդեր հատկացրեց «ՀԿ»-ին` լուծելու հակամարտության սրացման հետեւանքով տուժած ընտանիքների հրատապ կարիքները: Ինչպես նաեւ, Կաթողիկե օգնության ծառայություններ (ԿՕԾ)-ը իր աշխատակից` Մուլուգետա Լ. Հանդինոյին գործուղեց, ով կանխիկ գումարի եւ շուկայի տեխնիկական խորհրդատու է, ով պետք է աջակցեր «ՀԿ»-ի արտակարգ իրավիճակների թիմին իրականացնելու կանխիկ նվիրատվության բաշխման գործընթացը: Գործողությունների համակարգման եւ համաժամանակեցման համար «ՀԿ»-ի արտակարգ իրավիճակների թիմը հանդիպումներ ունեցավ համագործակից կառույցների հետ – ԼՂՀ Աշխատանքի եւ սոցիալական հարցերի նախարարություն, ՄԱԿ-ի փախստականների գծով համակարգման գրասենյակ, Միջազգային Կարմիր Խաչի եւ Մահիկի կոմիտե եւ այլն:
«ՀԿ»-ի թիրախ համայնքը Մարտակերտն էր, որի բնակչությունը ապրիլի ընթացքում տեղահանվել էր երկու անգամ եւ ակնհայտորեն առկա էր մարդասիրական գործողությունների բաց:
Շահառուները ընտրվել են հետեւյալ չափանիշներով.
- – Հղի կանայք կամ կերակրող մայրեր ունեցող ընտանիքներ
- – Ընտանիքներ, որտեղ կան 14 տարեկանից ցածր երեխաներ
- – Ընտանիքներ, որտեղ անդամներից որեւէ մեկը ունի խրոնիկ հիվանդություն կամ հաշմանդամություն
- – Ընտանիքներ, որտեղ անդամներից մեկը ունի հրատապ առողջական խնդիրներ կամ բժշկական միջամտության կարիք
Կանխիկ դրամային նվիրատվությունները տատանվում էին 40.000 դրամից մինչեւ 187.000 դրամ, գումարը պակասում էր` ընտանիքի անդամների քանակով պայմանավորված: Կանխիկ դրամային նվիրատվությունները ընտրված շահառուներին փոխանցվել է ԼՂՀ-ում գործող բանկային համակարգի միջոցով: Ծրագրում ընդգրկված շահառուների թիվը կազմում է 82 տեղահանված ընտանիք` ներառյալ այդ շահառուների 374 ընտանիքի անդամները:
Գործընկերները` Կաթողիկե օգնության ծառայություններ(ԿՕԾ)
Բյուջե` 22 303 €
Ծրագրի ղեկավար` Արմեն Մարտիրոսյան
Ծրագրի համակարգող` Լիլիա Համբարձումյան